Burgeroom (美麗華廣場1期) (已結業)

在尖沙咀行完Donki，看看附近有什麼好吃的餐廳，就找到對面美麗華商場的burgeroom，很多朋友推介的一間餐廳。先看看餐牌，價錢合理而且食物份量都唔少，最重要係竟然沒有收取+1，又有Happy Hour時間，位置方便，很適合行完街來醫肚。先叫咗個大啡菇沙律，分量極大，大啡菇很多汁，每件沙律菜都沾上沙律醋，十分開胃。先叫咗個菠蘿鱈魚柳burger，菠蘿夠新鮮，烤過後更加甜蜜，配上外脆內軟嘅鱈魚柳。特別一讚佢嘅醬汁，配上鱈魚柳同菠蘿，食落好fresh好舒服😌。之後嚟過大胃王之選，芥末大啡菇牛肉煙肉burger。芥末配上牛肉10分夾，食落好有滿足感。煙肉10分香脆，配上大啡菇嘅Juice，成個包都食落啖啖肉，好滿足。小食方面叫咗蜜糖辣雞翼，雞翼剛上台時香氣撲鼻，雞翼外皮炸到好香脆，辣度又未算好辣，適合一家大細小一齊食。最後叫咗杯凍既榛子朱古力，為今晚豐富嘅晚餐畫上完美句號，朱古力夠晒香濃，並唔係一般用粉沖出嚟嘅朱古力。整體感覺10分良好，而且食物份量都大，適合同朋友一齊share嚟食。