影片
更多
2017-11-27
48 瀏覽
今日唔係咩野特別既日子，但係我同老死黎到左呢間CATEE到食晚餐。昏暗既燈光襯上枱上的小燭光，其實呢間餐廳的氣氛幾適合同三五知己或者情人談心。今日特別多人黎慶祝生日，成餐飯播左三次生日歌。我地兩個人叫左三個主菜，每人加多五十蚊就包埋飲品，沙律，餐湯同甜品。首先黎到既係南瓜湯，湯較濃郁，南瓜味幾突出。重有一小籃數款的餐包，配黑醋油橄欖油，比我地食住等主菜。第一味菜 — 七成熟烤紐西蘭羊架。作為一個羊架愛好者，一道好味既羊架可以令我成晚都心情愉快，亦都係決定回頭與否既關鍵。整體既賣相唔錯，一切開剛好七成熟，羊架肉汁豐富，外層香脆，肉質滑嫩，我非常喜愛同欣賞! 額外的BONUS係份量蠻多。順帶一提，每碟餸都有薯角，蕃茄同秋葵等伴碟，而且味道不俗，睇得出廚師既心機。第二味菜 — 黑松露野菌長通粉。一上枱就聞到好香既黑松露味。食落醬汁均勻cover曬每條長通粉,通粉吾會過淋。不過略微可以多DD野菌。第三味菜 — 香煎挪威三文魚魚扒。魚扒煮得剛剛好，唔會因為overcook而'鞋'曬，魚扒選材亦算新鮮，魚扒既魚皮十分脆口，魚肉既鮮味好突出。所配搭既醬汁又唔會搶左三文魚既味我既飲品係西柚汁，鮮窄的，
我地兩個人叫左三個主菜，每人加多五十蚊就包埋飲品，沙律，餐湯同甜品。
首先黎到既係南瓜湯，湯較濃郁，南瓜味幾突出。重有一小籃數款的餐包，配黑醋油橄欖油，比我地食住等主菜。
第一味菜 — 七成熟烤紐西蘭羊架。作為一個羊架愛好者，一道好味既羊架可以令我成晚都心情愉快，亦都係決定回頭與否既關鍵。整體既賣相唔錯，一切開剛好七成熟，羊架肉汁豐富，外層香脆，肉質滑嫩，我非常喜愛同欣賞! 額外的BONUS係份量蠻多。順帶一提，每碟餸都有薯角，蕃茄同秋葵等伴碟，而且味道不俗，睇得出廚師既心機。
第二味菜 — 黑松露野菌長通粉。一上枱就聞到好香既黑松露味。食落醬汁均勻cover曬每條長通粉,通粉吾會過淋。不過略微可以多DD野菌。
第三味菜 — 香煎挪威三文魚魚扒。魚扒煮得剛剛好，唔會因為overcook而'鞋'曬，魚扒選材亦算新鮮，魚扒既魚皮十分脆口，魚肉既鮮味好突出。所配搭既醬汁又唔會搶左三文魚既味
我既飲品係西柚汁，鮮窄的，水準正常，酸酸甘甘的。
朋友既飲品就再加左十五蚊叫左Oreo Milk Shake。上面有塊oreo，我飲左啖奶昔飲落都算滑。
飯後甜品 —紅豆綠茶蛋糕，一人一件。三層一齊食,第一口係清甜既紅豆味,接住落黎係綠茶慕絲同蛋糕偏淡dd既綠茶味，三者配合得幾好，我比幾高分。
張貼
