スーパー丼 (駱克道) (已結業)

之前又見到人哋食雪糕拉麵開始已經好想試吓雪糕加熟食的味道會係點🧐。咁啱見到呢排呢個咁hit就去咗試啦🤓。~雪糕咖喱吉列豬扒飯($118)🍛呢個餐包左腐皮壽司同一個特色飲品🍹，性價比都幾高🤑。特飲方面我揀咗芒果特飲🥭，大家記得要攪勻先好飲呀🫠，如果唔係就好似我咁飲到一大啖糖漿🥴。不過估唔到咖喱同雪糕嘅組合又真係幾夾😋，食落去會甜甜地又幾好食😚，唯一嘅唔好處係啲咖喱會好快凍哂🤣。另外好欣賞佢哋嘅吉列豬扒炸得好好👍🏻，夠脆得來個皮夠薄。另外大家咖喱都係可以選擇辣度架🌶。~天蝦和牛丼($108)🍚睇個餐牌全部和牛丼嘅配搭都好吸引🤤，丼飯會配埋味噌湯同沙律🥗。和牛預設五成熟🥩，不過大家都可以根據自己喜好選擇熟度🌡。肩板腱和牛夠嫩身😋，配埋甜甜地嘅和牛汁同食落夠香嘅白蔥撈飯一流呀👍🏻。天蝦都唔錯啱啱好一人一隻🤪。 ~ 唐揚魷魚鬚($42)🐙鍾意食炸嘢嘅我哋又點少得魷魚鬚呢😝。一嚟到已經超香🤤。雖然份量比我哋想像中多😗，不過因為好好食所以都食晒🤣。~ 完熟水蜜桃($30)🍹發現好多拉麵日式小店都係提供呢一個系列嘅飲品🤫，不過又真係唔錯嘅。