影片
更多
2022-11-09
898 瀏覽
《スーパー丼 - 大埔》自從我個朋友知道有間食日式丼飯嘅餐廳聯乘蠟筆小新之後，就成日都話要我陪佢去試呢間餐廳😅作為大埔友，我竟然唔知屋企附近有間咁既日式餐廳😆本着試吓無妨嘅心態咪去陪朋友食囉😂去到餐廳，我好似龍友咁要幫朋友影相同打卡🙄因為餐廳好多位置都有蠟筆小新嘅裝飾，同埋有蠟筆小新既聯乘精品可以購買😎如果係小新來嘅話應該會幾鍾意❤️我就簡單啲，一心諗住食啫😋今次我哋兩個都要咗同蠟筆小新聯乘嘅套餐，個餐嘅份量都唔少㗎，有一個飯雪糕咖喱飯、兩件腐皮壽司、主題特飲同埋麵豉湯🤔配搭都好新穎，等我逐一介紹先💁🏻♀️雪糕咖喱炸雞飯配動感超人芒果特飲 $118雪糕咖喱飯🍛真係一個聽都未聽過既組合，不過其實咖喱飯同埋雪糕個味道都算幾夾，雲呢拿雪糕既作用就好似喺咖喱飯入面加咗cream咁，令微辣既咖喱食落口感更細滑，朋友嘅呢個炸雞飯雞件都幾多，都有成六七件㗎，佢嘅套餐入面嘅兩件腐皮壽司就好似平日壽司店既咁甜甜地而杯特飲個顏色都漸層得幾靚，飲之前要攪勻佢，因為底下嘅黃色層係芒果糖漿嚟㗎，特飲加左梳打水，有助中和甜度，配咖喱的確可以解到油膩💁🏻♀️雪糕咖喱牛肉飯配露屁股怪獸草莓特飲 $118而我呢一份雪糕咖
自從我個朋友知道有間食日式丼飯嘅餐廳聯乘蠟筆小新之後，就成日都話要我陪佢去試呢間餐廳😅作為大埔友，我竟然唔知屋企附近有間咁既日式餐廳😆本着試吓無妨嘅心態咪去陪朋友食囉😂去到餐廳，我好似龍友咁要幫朋友影相同打卡🙄因為餐廳好多位置都有蠟筆小新嘅裝飾，同埋有蠟筆小新既聯乘精品可以購買😎如果係小新來嘅話應該會幾鍾意❤️我就簡單啲，一心諗住食啫😋今次我哋兩個都要咗同蠟筆小新聯乘嘅套餐，個餐嘅份量都唔少㗎，有一個飯雪糕咖喱飯、兩件腐皮壽司、主題特飲同埋麵豉湯🤔配搭都好新穎，等我逐一介紹先
💁🏻♀️雪糕咖喱炸雞飯配動感超人芒果特飲 $118
雪糕咖喱飯🍛真係一個聽都未聽過既組合，不過其實咖喱飯同埋雪糕個味道都算幾夾，雲呢拿雪糕既作用就好似喺咖喱飯入面加咗cream咁，令微辣既咖喱食落口感更細滑，朋友嘅呢個炸雞飯雞件都幾多，都有成六七件㗎，佢嘅套餐入面嘅兩件腐皮壽司就好似平日壽司店既咁甜甜地
而杯特飲個顏色都漸層得幾靚，飲之前要攪勻佢，因為底下嘅黃色層係芒果糖漿嚟㗎，特飲加左梳打水，有助中和甜度，配咖喱的確可以解到油膩💁🏻♀️雪糕咖喱牛肉飯配露屁股怪獸草莓特飲 $118
而我呢一份雪糕咖喱牛肉飯份量都幾多，特別係啲牛肉🐮雖然我叫咗中辣，但係感覺個辣度仲可以再高啲，可能因為個雪糕嘅關係，攪勻左之後覺得個咖喱唔算太辣😉下次等我挑戰一下大辣先🤓佢驚牛肉其實就好似平時食嗰啲薄切牛肉片咁，拌埋咖喱一齊食都幾惹味😉而我嗰杯特飲係草莓味嘅，反而我呢一杯就唔算太甜，梳打水好夠氣，有啲似飲緊mocktail，啲顏色配搭咁靚小朋友實鍾意啦😎
有一個建議俾大家，如果想黎同小新打卡嘅話記住要揀啲飛繁忙時間呀，因為佢嘅裝置setting其實同客人坐位好近，有幾個打卡位都值得慢慢影相嘅😉同埋臨走前可以望吓佢嘅聯乘T-shirt同精品，小白果件其實都幾得意下😎
張貼
