スーパー丼 (大埔超級城) (已結業)

細個已經好鐘意蠟筆小新 到而家做野做到心累耐唔時都會開住小新黎食住飯睇 📺無諗過可以比小新同其他角色圍住黎食飯間鋪真係得意到喊 🥺💓💓 小新迷必去呀！！坐低即刻比「雪糕咖喱炸豬扒飯」吸引左眼球甜品加正餐擺埋一齊食 我無睇錯呀嘛？！一陣咪可以慳返餐飯後甜品 🤭而呢個套餐跟埋麵豉湯 、腐皮壽司 🍣 同一款飲品雖然間餐廳好童心咁 但份量絕對係大人細路都會食得好飽 🤰🏼 揀飲品都勁選擇困難 因為有「動感超人芒果特飲」🥭 同「露屁股怪獸草莓特飲」🍓兩個都超 cute 但最後都係揀左動感超人 哇嚇嚇嚇（小新笑而咖喱飯黎到 第一時間試吓個雪糕佢堅係平時食個種甜雪糕 🤭 個心仲諗緊撈埋一齊會唔會好怪夾埋一齊食 多一種獨有嘅甜味+creaminess 亦都會中和左咖喱嘅辛辣 早知辣度揀大辛！🌶雪糕嘅奶香味同日式咖喱出奇地夾 冰火口感 值得試 🫶🏽呢間鋪睇過唔少介紹知道各式魚生丼飯都好受歡迎但當日落雨濕濕又凍 想食啲熱騰騰嘅野佢呢到都有唔少款式嘅すきやき鍋物提供 🍲 叫左個西班牙豚肉壽喜燒 🐷自己開個爐 shabu shabu 六款野菜煮到好入味凍天滾滾下真係無得頂 😌配埋個甜甜嘅湯底同生蛋 碗白飯好快就

個侍應全程黑口黑面。撞到人都唔講聲，sorry仲要啤住你。啲餐具袋爛左，打開左都照攞比我地。嘢食都麻麻。星期六，間間店都好多人排隊，得呢間冇，都估到冇好嘢，點知真係中伏。

同事做嘢做到燥燥地，提議出城食午餐，當然舉腳贊成👍我哋係大埔工業村返工，近近地當然去大埔中心，由於午餐時間只有1小時，所以餐廳上菜最緊要快。之前bookmark 左呢間餐廳，就一於試下啦🤭一行3人，叫左3個午餐，2個小食，份量都好足夠，所以都有少少食剩😂我叫左火炙三色丼，有麵豉湯和沙律，都幾豐富。醋飯味道不錯，有3片三文魚片，2片呑拿魚片，左口魚應該都係3片左右(因為太肚餓所以無數🤣)。三文魚比我前一日去另一間食既海鮮丼更肥美，左口魚都好肥美，呑拿魚更是厚切，呢個海鮮丼令我非常滿足😋同事分別叫左三文魚蟹子丼和鰻魚飯，都不錯👍至於小食，主要係過下口癮，可以唔叫🤣呢間可以再食過💪💪💪

之前食個過這間壽司飯晚市，質素不錯，但早餐未試過。只限星期六日的早餐Menu 看似平平無奇，價格一般， 最貴餐38蚊凍飲加2元，有加1服務費。早上人流不多,一家人打算一試無妨心態下去試下。但估不到早餐賣相漂亮及豐富，份量幾多下， 勝價比超高， 值得一試！雞扒煎得好香及惹味，豬扒都不錯，蜜糖多士都很好吃！好有驚喜的一餐！但可能未有太多人知道有早餐供應 ，所以人流不多。如果食悶左茶記， 日式早餐都是一個不錯的選擇！

之前食過佢地佐敦既分店 @superfon_hk 價錢抵食又大份 CP低好高🥰 呢間小店主打走小清新路線 除左提供各式丼飯 如北海道海鮮丼、吞拿魚三色丼及北海道馬糞海膽丼之外 仲可以自選海鮮配搭🙈仲意食邊款由自己選擇！依家店鋪仲推出左 「午市丼物優惠」！▫️鵝肝和牛丼鐘意鵝肝既千祈唔可以錯過！厚實又粉嫩既鵝肝加上多塊充滿油脂香既和牛🥩牛肉呈現粉紅色 嫩滑多汁 重牛味 鵝肝好厚身大塊 煎到甘香 外皮焦脆 食完都唔會覺得好油膩🙈👍🏻成個丼飯好滿足🙈再加$10配埋日式炸雞同$5 蘋果紅茶 大塊到好似雞扒咁 香脆嫩滑 好抵食！▫️雜錦天婦羅丼好有日式風味 炸到脆卜卜 裏面有南瓜、金菇、茄子、天婦羅蝦 款式多樣 炸粉唔厚🥰再配埋小食日式餃子🥟同荔枝紅茶 好滿足！▫️唐揚魷魚鬚炸到脆卜卜 香脆爽彈 配埋沙律醬

餐廳行小清新路線，除左提供各式各樣嘅丼飯，例如北海道海鮮丼、和牛丼，仲有刺身、小食同壽喜燒系列。《鵝肝和牛丼》🥩 $138鵝肝薄薄地又充滿油脂🤩，鵝肝煎得好香，食嘅時候仲有豐富嘅鵝肝油😍超香～最配合埋和牛，生熟程度啱啱好，薄切，份量都多！+《日式餃子》🥟 (+$12)有三大嚿，豬肉餡😋 再乾身少少會好食啲👍🏻《鰻魚玉子和牛丼》🥢🥚 $108大大嚿鰻魚，飯伴有鰻魚汁，少骨，伴日本半熟蛋😍🥚 撈埋啲飯好入味！配《波子汽水》、《富士山柚子梳打》🥤 $25甜度啱啱好👍🏻

十勝豚，鵝肝牛肉質素差咗好多，食完返到屋企果種回味，有啲想嘔嘅感覺...主要係食才質素差咗🤢，應該唔會有下次...或者銅鑼灣質素會好啲，不過都係幾年前嘅回憶，盼望有機會食返之前嘅味道

前排見某foodie介紹呢間野，見到啲相幾吸引所以嚟試下。店員都有禮同nice嘅，不過食物好麻麻。賣相同餐牌／foodie嘅相都好唔同😅 和牛都冇乜牛味，好在個餐都叫多野。有包野飲嘅，不過冇影到。麵豉湯正正常常，茶碗蒸有少少味咁。成個午餐set要過百，本身都有期望，不過好似中左伏..,

Superdon🍛｜大埔 蠟筆小新 雪糕咖喱飯？！🍛｜《動漫主題》✅依家Superdon做緊蠟筆小新主題，講咗咁耐，終於去食雪糕咖喱飯，成日係instagram見到人地食雪糕咖喱飯，雪糕拉麵，搞到好想去試試佢🍛吉列豬扒雪糕咖喱飯 $118（主菜+腐皮壽司+動感超人芒果特飲）佢本身咖喱都幾好食，咖喱入面嘅料都幾足，味道都幾豐富，再加埋雪糕，甜甜鹹鹹咁，都幾過癮，不過雪糕好似配咩都好食咁，就好似雪糕配薯條咁。吉列豬扒就正常發揮啦。跟餐仲有腐皮壽司同芒果特飲，味道都ok🍙松葉蟹肉和牛丼 $128（主菜+味噌湯+蒸蛋+沙律）和牛都幾嫩滑，份量都唔少，味道都足夠，蟹肉都夠鮮味，整體發揮都ok成個餐都跟咗唔少野，所以整體都幾豐富🐮一口和牛粒 $68一口和牛粒都幾好食，肉質好軟，味道甜甜鹹鹹咁，仲有洋蔥嘅甜味，唔錯～

初三入大埔玩，見呢間餐廳有位唔駛等就入去食，嘩！入到去嚇一嚇好污糟！d枱勁油，仲有點點食物殘渣，叫人黎抹，抹十世都無人黎，侍應一個二個未訓醒咁，咩料。換位想叫野食，因為太肚餓。叫完隔離枱黎晒野，我果枱都未黎就知漏單。同佢追單就話check，又check 10分鐘，查野要十分鐘查乜野呢？大佬我唔食個細路都要食，之後仲走黎再問我叫左乜，新年流流廢事同咁既人講咁多，一句唔駛啦就走啦，剩係飲左幾杯水最正係全程一句唔好意思都無好耐無去過垃圾餐廳呢間真係一流

入到餐廳，坐低無幾耐都覺得有少少伏，見無乜人又有位直入，坐咗喺角落位。睇緊餐牌期間，隔離枱起身走，除咗投訴職員服務欠奉，原來仲漏咗單，聽到話餐廳話再落可以俾八折佢哋。如是者，我睇完份餐牌，想叫嘢食，等咗兩分鐘都未見有侍應過嚟。於是我走去出餐個度同個職員講，我想落單。跟住有個貌似經理嘅人同我講，返去坐低，等佢同事落單。我心諗，新年流流，我唔同你講你同事好似啱啱先落漏成枱單。於是俾多次機會哩間餐廳。返埋位，坐低無耐真係有人過嚟落單，叫咗兩個餐，另外同職員講想要三杯清水。之後忽然間多咗人入嚟食嘢，坐滿人咁滯。時間慢慢咁過，我哋除咗三杯滾水，就無喇。後過我哋入坐啲客人陸續有嘢食上枱。初頭我見到啲一鍋鍋嘅壽喜燒，心諗，fine 主打嚟嘅，應該係大量預先製作。但又過咗二十分鐘左右，我隔離枱兩個丼飯同刺身都上埋枱，我就知我太仁慈喇。即刻問個職員係咪漏咗單，佢話幫我跟跟。之後佢返返嚟，係送餐俾另一枱客人，無理會過我。我就執嘢走。出門前遇到同我落單嗰個侍應，佢問我落咗啲咩，佢可以幫我跟跟，嗰下我火都嚟埋，礙於新年流流，無同佢理論，只係笑笑口咁同佢講，你連我落咗咩都唔記得。跟住走人。

好耐無食過superdon經過見到蠟筆小新主題餐廳就去睇吓，餐廳提供了幾款蠟筆小新卡通主題的菜式，包括雪糕咖哩飯系列小新美食，餐有精品換架！雪糕咖喱炸雞飯(小辣）配腐皮壽司雪糕咖哩飯真係有雪糕同咖哩一齊食，好特別，而咖喱辣度有分我就選了小辣，味道岩岩好，咖哩口感很滑配雪糕中和辣感，點左炸雞炸得香脆又juicy美味😋😋😋特飲和腐皮壽司光屁屁怪獸草莓特飲整得好靚，但有點甜如果唔係會好飲啲，記得叫少甜吞拿魚腩蓉溫泉蛋三文魚籽丼吞拿魚腩蓉的油脂飽滿，好多三文魚籽十分鮮味口感豐富配半熟溫泉蛋👍🏻

#20230121 💛📍スーパー丼 @superdon_hk 大埔安邦路9號大埔超級城B區1樓130-133A號舖 🍽️銅鑼灣駱克道501號地舖佐敦彌敦道380號香港逸東酒店Eaton Food Hall LG樓1號舖——————————————————————————————#雪糕咖喱海鮮飯 #美冴大辣 $138💭 熱愛蠟筆小新既🐷自從知道呢間舖頭聯乘左蠟筆小新有個雪糕咖喱飯之後就一直話要試🖍️原來得大埔店同銅鑼灣店先有，仲要食到一月咋，想試既朋友仔要快喇～上枱果陣見枝旗插住小新咖係美冴一度以為比錯辣度，一食就知無錯😅就咁食大辣咖喱係真係幾辣下🍛啲飯硬硬地岩🐷心水，個雪糕凍冰冰好重奶味🍦反而中和左個辣味，撈埋食原來真係幾夾😳個雪糕杯淋左帶啲煙韌，有啲似麵筋幾特別，海鮮都有魷魚🦑帶子同蝦🦐都幾大隻下架，蝦仲有尾殼tim😂略嫌個咖喱如果唔同雪糕一齊食就會偏咸.#隨餐附送 #腐皮壽司 #麵豉湯#動感超人芒果特飲 💭 腐皮壽司同麵豉湯正正常常，不過兜飯已經好大兜，仲要食兩件壽司真係搞唔掂🍣個芒果特飲係色素加芒果沙冰果隻芒果味🥭飲完條脷會變藍色👅.#肥牛壽喜燒 $88 🫧 #福袋年糕 #白蘿蔔

[ スーパー丼 Superdon ]餐廳平常走簡約風裝潢，呢期以卡通人物做主題，鍾意蠟筆小新嘅點都要去朝聖一下😍✿ 雪糕咖喱吉列豬扒飯🍦🍦$118嚟到一定要叫款小新系列打吓卡❤️咖喱叫咗中辣，一啖飯一啖咖喱一啖雪糕，雪糕嘅甜又中和到咖喱既辣，加上雪糕本身凍，口感相當特別，出奇地好食。跟餐仲有杯士多啤梨蘋果梳打🥤✿ 滑蛋親子丼 $68滑蛋好滑口，雞肉口感比較軟嫩，喺唔會出錯嘅配搭😋✿ 唐揚魷魚圈鬚🦑 $42魷魚鬚炸得脆卜卜，脆口嘅外層結合多汁魷魚，充滿日式風味。總結🫦野食不過不失，以價錢來講都唔貴。店鋪今期主題係蠟筆小新，食完後有興趣仲可以換購其他蠟筆小新精品，餐廳有得食又有得打卡👍🏿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿スーパー丼 Superdon地址: 大埔安邦路9號大埔超級城B區1樓130-133A號舖電話:26659700✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

堂食的食物質素其實十分一般，外賣份量又少，女士食完都話未夠飽，竟然外賣仲要收加一服務費，說浪費金錢是客觀意見，一點也不過份，連影相意慾都冇，奉勸各位，如非必要，無須幫襯。