蠔灣 (已搬遷) 新店位置

姐妹生日飯 一啲都唔可以馬虎佢又勁鐘意食生蠔喎 睇黎oyster cove係我首選叫餐廳介紹左幾款生蠔俾我地又淡味到濃味都有齊晒 完全大滿足重有地中海紅蝦 法國藍蝦 帶子 藍青口 同海膽先講啲蠔 好有海水味 鮮味十足 地中海紅蝦 入口好鮮甜 而且十分爽口帶子大隻又厚身 完全食到我地心心眼重有baby藍青口 入口夠嫩夠鮮重有海膽成板上 好新鮮 好鮮甜食完一大盤海鮮拼盤後 當然要叫返個熱食我地㨂左鵝肝意粉 估唔到咁大舊鵝肝 完全有驚喜意粉重加入蘑菇同蜆仔去煮 味道出色 意粉軟硬又岩岩好 值得推介！