幕多

營業中

休息中

當日去食飯好彩唔使排太耐，大約等咗三十分鐘左右，等位期間餐廳仲主動派水同酒，感覺好貼心，令等候都冇咁悶蝦湯雖然唔算超濃味，但勝在鮮甜，飲落好舒服，唔會膩。麵條都好掛湯，每一啖都食得出湯底嘅精華。最驚喜係蠔，真係好新鮮、好鮮甜，完全冇腥味，啖啖肉好滿足，令人一試難忘。餐廳環境比較細，坐得唔算特別舒服，不過見到外面咁長隊，食完都唔好意思坐耐。唯一美中不足係收錢方式，原本問咗侍應可以用支付寶，點知最後老闆話只收現金，要我行去櫃員機攞錢。幸好有好心食客即刻借錢俾我用PayMe還返，真係好感動。建議餐廳可以喺門口寫清楚收款方式，方便大家準備定現金。整體嚟講，食物質素高，希望下次可以試埋佢嘅蟶子！