影片
更多
2019-01-28
91 瀏覽
雖然天氣唔係話好凍, 但唔知點解稍為涼少少就想打邊爐.今日嚟到荃灣嘅相馬日式火鍋, 其實之前留意到佢喺觀塘apm有分店, 不過經常都排滿人, 一直都未有機會食到.我哋今次預早打去book位, 所以一去到就有位坐了.職員都好熱情, 好有禮貌, 仲好細心介紹menu 上唔同嘅選擇, 特別之處係可以選擇一人一鍋又或者每枱一鍋, 價錢一樣! 由於我哋想試唔同湯底, 所以就揀咗一人一鍋!食得日式火鍋, 當然選擇比較日式日味嘅湯底啦, 我就選擇+$38, 叫個廣島蠔土手鍋, 即係味噌湯~其實menu 上都有有四款牛肉選擇, 有美國牛肉, 亦有澳洲和牛, 每款都配鹿兒島黑豚肉同雞肉, 如果揀美頂級牛小排同澳洲和牛, 仲附送埋海鮮放題, 蝦、帶子、同蠔都係任叫, 好抵食~!! 我同友人都想食好D, 於是揀咗最貴嘅特上澳洲和牛 ($368). 除咗以上嘅主菜, 餐廳內嘅自助區仲有其他配菜任食, 有各式丸類, 蔬菜及麵食, 當然唔少得就係飲品啦!!去自助區夾咗D配菜, 等咗一陣個蠔鍋就上枱~ 嘩, 我真係嚇咗一跳, 湯底只係加$38, 點解個鍋可以咁豐富? 除咗擺滿晒蔬菜, 仲有一堆廣島蠔整齊排列喺到,
今日嚟到荃灣嘅相馬日式火鍋, 其實之前留意到佢喺觀塘apm有分店, 不過經常都排滿人, 一直都未有機會食到.
我哋今次預早打去book位, 所以一去到就有位坐了.
職員都好熱情, 好有禮貌, 仲好細心介紹menu 上唔同嘅選擇, 特別之處係可以選擇一人一鍋又或者每枱一鍋, 價錢一樣! 由於我哋想試唔同湯底, 所以就揀咗一人一鍋!
食得日式火鍋, 當然選擇比較日式日味嘅湯底啦, 我就選擇+$38, 叫個廣島蠔土手鍋, 即係味噌湯~
其實menu 上都有有四款牛肉選擇, 有美國牛肉, 亦有澳洲和牛, 每款都配鹿兒島黑豚肉同雞肉, 如果揀美頂級牛小排同澳洲和牛, 仲附送埋海鮮放題, 蝦、帶子、同蠔都係任叫, 好抵食~!! 我同友人都想食好D, 於是揀咗最貴嘅特上澳洲和牛 ($368). 除咗以上嘅主菜, 餐廳內嘅自助區仲有其他配菜任食, 有各式丸類, 蔬菜及麵食, 當然唔少得就係飲品啦!!
去自助區夾咗D配菜, 等咗一陣個蠔鍋就上枱~ 嘩, 我真係嚇咗一跳, 湯底只係加$38, 點解個鍋可以咁豐富? 除咗擺滿晒蔬菜, 仲有一堆廣島蠔整齊排列喺到, 足足有半打呀!!! 另外好貼心嘅係味噌另上, 我可以隨住自己喜好, 加入適當份量, 唔會話湯底過咸! 讚!
澳洲和牛都到喇, 嘩, 油脂分佈均勻, 形成紅白紋路好靚仔下, 由於係薄切嘅關係, 放入滾湯入面幾秒就已經熟.
雖然牛肉味唔係爆濃烈, 但絕對係入口嫩滑. 旁邊嘅黑豚肉都唔輸蝕, 賣相同樣吸引, 雖然油脂分佈唔似得和牛咁均勻, 但都可以清晰見到紋理, 唔係一大條肥膏喺到. 食落都係屬於嫩滑, 勝在唔會有膩嘅感覺~!!
至於其他海鮮, 蠔絕對係值得encore 再encore 嘅, 鮮味, 肉厚, 任食真係好抵~!!! 帶子都唔差, 雖然肉質唔及刺身級帶子咁爽口厚肉, 但鮮味唔錯~!! 蝦都算爽口, 不過個人覺得蠔就比較鮮味!! 其實食到枱上嘅野, 我都已經飽, 出面自助區嘅食物我都只係夾咗D菜~ 計計下, 牛肉豬肉我都食咗幾碟, 廣島蠔就差不多食咗一打, 埋單都係around $400, 好抵呀~!!!
張貼
