喜記蟹將軍

營業中

休息中

同同事行完Donki, 諗住附近搵間坐得舒服D既餐廳開餐, 就簡左呢間<蟹將軍>位置絕對係靜中帶旺，商場係正旺區但人流比較少，餐廳乾淨闊落，侍應都幾好服務。清酒鮮鮑魚賣相唔錯, 好大隻, 清新彈牙，酒味輕微刺激味蕾，唔會太咸或太重酒味。前菜黎講, 唔錯。豉椒炒蜆炒得夠香上台有陣豉椒香散發出黎。D蜆肉大粒飽滿鮮甜，醬汁惹味香濃，唔會過咸之餘仍然食到蜆鮮味, 肉鮮甜而加上炒香了的豉椒味道，真係次次食小炒都必點。椒鹽九肚魚九肚魚口感係一種滑潺潺? 滑嘟嘟? 唔識點型容，總之就係滑。哈哈上台熱辣辣，夠香脆，脆漿唔厚，明顯食到外脆內軟口感，雪白既魚肉真係好滑好滑。蟹將軍既椒鹽九肚魚真係好出色，我個人覺得比佢招牌炒蟹仲出色。避風塘炒蟹(少辣)我地幾個都唔算食得辣, 而且海鮮好似唔應該叫太辣, 蓋過左蟹既鮮甜味就唔好啦。所以我地叫個少辣。上台擺盤都好打卡, 因為會砌返個大既蟹型出黎，個蟹鉗好大隻侍應都好細心比我地影完相先幫忙折拆個蟹鉗出黎。蟹肉結實，食到蒜香蔥香，好有水準既招牌菜。招牌蟹油炒麵個人覺得個麵硬左DD, 不過炒得幾香，唔會太油淋淋，撈埋避風塘炒蟹D金蒜，一絕。