影片
更多
2021-06-30
170 瀏覽
好朋友強力介紹，今日嚟咗呢一間蠻高級嘅日本餐廳， 呢度裝橫唔算華麗，但都幾有日本風，仲有吧檯圍住師傅，當場煮鐵板燒畀你食食完後覺得好正，所以忍唔住上嚟俾個like Menu 有幾個餐可以揀，一望落去都係高級嘅食材，同埋未見過嘅煮法，未食已經令人好期待 最後我揀咗呢個餐 頭盤: 蟹肉沙律 同 海膽黑松露溏心蛋海膽配黑松露，意外地互相都唔搶，放喺溏心蛋上，用嚟醒胃十分好 煙燻帆立貝賣相幾靚本身我就好鐘意食帆立貝刺身，食煙燻雖然冇咗嗰種鮮味，但就令到件帆立貝好香好惹味，店員特意建議我分開一半食，一半就咁食原味，另一半就配旁邊嘅岩鹽食 活鮑魚 配海苔 蟹肉醬燒鮑魚 （成隻手掌咁大）煙煙靭靭， 有少少脆皮 所以配返清淡嘅蟹肉醬食，容易入口 法國鴨肝如果你鐘意食鵝肝鴨肝之類，呢道菜真係冇得頂，香到不得了。師傅仲煎到外層少少脆，咬落去啲汁咇出嚟，一個字: 爽 日本A5和牛厚燒和牛（厚/薄）或黑毛豬中揀一款厚燒和牛好juicy，入口好鬆軟 炸蒜片（獨子蒜）香到有少少燶味 千両茄子就第一次食，唔似我哋食開嗰啲茄子，比較硬身，但味道就好濃美國大啡菇大大隻，入口清香又多汁 豆腐魚湯 +粒帶子可能係啲mai
食完後覺得好正，所以忍唔住上嚟俾個like
Menu 有幾個餐可以揀，一望落去都係高級嘅食材，同埋未見過嘅煮法，未食已經令人好期待
最後我揀咗呢個餐
頭盤: 蟹肉沙律 同 海膽黑松露溏心蛋
海膽配黑松露，意外地互相都唔搶，放喺溏心蛋上，用嚟醒胃十分好
煙燻帆立貝
賣相幾靚
本身我就好鐘意食帆立貝刺身，食煙燻雖然冇咗嗰種鮮味，但就令到件帆立貝好香好惹味，店員特意建議我分開一半食，一半就咁食原味，另一半就配旁邊嘅岩鹽食
活鮑魚 配海苔 蟹肉醬
燒鮑魚 （成隻手掌咁大）煙煙靭靭， 有少少脆皮 所以配返清淡嘅蟹肉醬食，容易入口
法國鴨肝
如果你鐘意食鵝肝鴨肝之類，呢道菜真係冇得頂
，香到不得了。師傅仲煎到外層少少脆，咬落去啲汁咇出嚟，一個字: 爽
日本A5和牛厚燒
和牛（厚/薄）或黑毛豬中揀一款
厚燒和牛好juicy，入口好鬆軟
炸蒜片（獨子蒜）香到有少少燶味
千両茄子就第一次食，唔似我哋食開嗰啲茄子，比較硬身，但味道就好濃
美國大啡菇大大隻，入口清香又多汁
豆腐魚湯 +粒帶子
可能係啲main太濃味，配返個清清地嘅湯俾個胃冷靜吓
蟹肉炒飯
炒得好香嘅炒飯，但其實食到果一刻，已經滿足度100。佢已經成為咗去飲宴嘅伊麵
甜品雪葩
日本直送甜品，聽員工講係原個拆包裝稍為解凍就上枱。有好多味可以揀（好似有7~8種，唔記得咁多）
呢間餐廳嘅 員工服務非常好 每一道菜都細心解說 ，食物用料相當高級，大多都係日本貨
所以質素有保正
食咗兩個零鐘，身邊幾枱都聽到 “生日快樂” 🤣
下次會再去試埋另外果兩個餐
張貼
