影片
更多
2023-08-01
38 瀏覽
-蟹仙海鮮私房·蒸氣石碢-@尖沙咀-有次經過諾士佛台附近見到哩間蒸海鮮餐廳，見到滿滿食客，心諗應該幾好質素。今日終於約埋朋友一齊去試試。餐廳座位夠闊落，當晚一樣都好滿座。店員全程會幫助蒸海鮮，而且仲好細心介紹每款海鮮和建議食法。點左尊貴海鮮套餐($449)，有10幾款海鮮連埋個粥底，超過滿足。日本野生大赤蝦都好大隻，肉質好爽，蝦頭都好多蝦膏所以食落好香。韓國斧山珍珠蠔唔算好大隻，但好creamy。台灣九孔鮑魚超級推介，洗得好乾燥爭，夠晒厚身，但蒸完依然好軟身完全唔韌，好易咬開。大西洋野生青口係我最有驚喜的，因為我一向都唔鍾意食青口，但哩款青口好鮮甜，肉質好軟，無論味道同口感都跟平時食的青口完全唔一樣。太平洋饅頭蟹比較細隻，唔會有好多肉。而野生膏仔蟹真係好多蟹膏，好香甜，而且肉都好多，超級推介。野生琵琶龍蝦啖啖肉，夠爽口，蝦頭帶點蝦膏更帶多點香味。店員提醒紐西蘭刀貝蚌和月亮貝都唔需要沾醬油都已經好夠味，因為兩款的海水味都較重。兩款都好飽滿，而且夠晒鮮味。 有機蔬菜籃娃娃菜、粟米同生菜。蒸的菜保留到菜的清甜味。美國黑安格斯牛肉($168)例牌的份量都好多，油美好靚。第一次食蒸的牛肉，原來基
-蟹仙海鮮私房·蒸氣石碢-
@尖沙咀
-
有次經過諾士佛台附近見到哩間蒸海鮮餐廳，見到滿滿食客，心諗應該幾好質素。今日終於約埋朋友一齊去試試。
餐廳座位夠闊落，當晚一樣都好滿座。
店員全程會幫助蒸海鮮，而且仲好細心介紹每款海鮮和建議食法。
點左尊貴海鮮套餐($449)，有10幾款海鮮連埋個粥底，超過滿足。
日本野生大赤蝦都好大隻，肉質好爽，蝦頭都好多蝦膏所以食落好香。
韓國斧山珍珠蠔唔算好大隻，但好creamy。台灣九孔鮑魚超級推介，洗得好乾燥爭，夠晒厚身，但蒸完依然好軟身完全唔韌，好易咬開。
大西洋野生青口係我最有驚喜的，因為我一向都唔鍾意食青口，但哩款青口好鮮甜，肉質好軟，無論味道同口感都跟平時食的青口完全唔一樣。
太平洋饅頭蟹比較細隻，唔會有好多肉。而野生膏仔蟹真係好多蟹膏，好香甜，而且肉都好多，超級推介。
野生琵琶龍蝦啖啖肉，夠爽口，蝦頭帶點蝦膏更帶多點香味。
店員提醒紐西蘭刀貝蚌和月亮貝都唔需要沾醬油都已經好夠味，因為兩款的海水味都較重。兩款都好飽滿，而且夠晒鮮味。有機蔬菜籃娃娃菜、粟米同生菜。蒸的菜保留到菜的清甜味。
美國黑安格斯牛肉($168)例牌的份量都好多，油美好靚。第一次食蒸的牛肉，原來基本上蒸1-2分鐘就已經食得，岩岩夠熟。因為油脂好豐盈，食落好滑仲有好濃牛肉香味。
最後食埋個啖啖海鮮精華的粥，加埋香蔥同菜脯，超級滿足。蟹仙海鮮私房·蒸氣石碢
張貼
