Park café

好耐冇食酒店自助餐，近排好多酒店做優惠，見百樂酒店做緊蟹嘅主題，鍾意食蟹嘅朋友肯定唔會錯過。當晚早咗到，不過職員都早咗俾大家入去，環境比想像中舒服好多，聽講有裝修過嘅，好新淨，坐得好舒服，最好嘅係我覺得凍職員話可以較細啲個冷氣，仲攞咗披肩俾我，非常窩心。凍海鮮部分有麵包蟹、蟹腳、蝦、青口同蜆。勁多膏嘅麵包蟹同啖啖肉嘅蟹腳最受歡迎，不過餐廳refill嘢嘅速度真係好快，唔驚冇得食。刺身都有幾款，師傅即叫即切。熱盤今期主打蟹，所以我哋試咗咖哩蟹、星洲胡椒炒蟹、蟹肉配西瓜(好得意嘅配搭)、蟹肉意粉、甲羅燒(甲羅燒係限量嘅，要用張咭仔換，記得去攞嚟食)。另外個人認為必試嘅係芝士火鍋⭐️可以自己配唔同嘅食物，加入濃厚嘅芝士，放題好似得呢度有得食。另外有兩款燒生蠔都要試。而肉類則有師傅當場係度用鐵板燒嘅方法煎，每次一整好就好香，有牛肉、羊架、腸同雞翼，味道都好唔錯。另外必試嘅係片皮鴨，食咗兩塊都唔覺得滯，去到食晒，嗰個位就會轉乳豬。甜品方面，要介紹好吸精嘅火焰雪山，大概8點左右見啲人開始排隊，就知有特別野，在場嘅小朋友個個都勁開心🥳仲有朱古力噴泉同班戟機，另外仲有即場整出嚟嘅窩夫同蛋撻，都係小朋友至