影片
更多
2021-05-06
2816 瀏覽
蛋撻不嬲都係香港人下午茶嘅美食，因為一件熱辣辣新鮮出爐既蛋撻，酥皮鬆脆，蛋漿滑溜，加上一杯熱奶茶，就可以抵銷港人半日嘅辛酸，但一件普通嘅蛋撻，點可以滿足到嘴刁嘅香港人，因為皮蛋撻非常考功夫，要做到外層鬆化、蛋漿軟滑既酥皮蛋撻談何容易。最近有間好受歡迎既茶餐廳，原因係因為佢地既酥皮蛋撻。金園茶餐廳係位於長沙灣工業區既一間舊式茶餐廳，平時食客都係街坊多，不過可能因為疫情，香港人無得去旅行，只可以專心一意係香港搵美食，最近社交平台發起一個香港蛋撻關注組，將各大茶餐廳嘅蛋撻比較，有網民將呢間金園茶餐廳嘅酥皮蛋撻放咗上去，引起熱烈嘅關注而爆紅，蛋撻厚得黎又鬆化既賣相，吸引左好多蛋撻迷過黎幫襯，高峰時期要排足45分鐘先買到，由此可見佢有幾受歡迎。金園茶餐廳其實已經長沙灣開業二十幾年，係1998年開業，係家庭式經營，呢家由第二代既次女接手。第一代店主做法就係貴精不貴多，所以餐牌剩係得兩頁紙，款式唔多，不過茶餐廳要有嘅佢都有，當中豬扒燴意粉最出名，因為入面既秘製黑椒係前店主拜師學習，黑格豆要親自去上環海味店挑選，對食物非常執著。特別一提每人最低消費$19，所以淨係食一個蛋撻唔夠。當日係紅日去，大概下晝
蛋撻不嬲都係香港人下午茶嘅美食，因為一件熱辣辣新鮮出爐既蛋撻，酥皮鬆脆，蛋漿滑溜，加上一杯熱奶茶，就可以抵銷港人半日嘅辛酸，但一件普通嘅蛋撻，點可以滿足到嘴刁嘅香港人，因為皮蛋撻非常考功夫，要做到外層鬆化、蛋漿軟滑既酥皮蛋撻談何容易。最近有間好受歡迎既茶餐廳，原因係因為佢地既酥皮蛋撻。
金園茶餐廳係位於長沙灣工業區既一間舊式茶餐廳，平時食客都係街坊多，不過可能因為疫情，香港人無得去旅行，只可以專心一意係香港搵美食，最近社交平台發起一個香港蛋撻關注組，將各大茶餐廳嘅蛋撻比較，有網民將呢間金園茶餐廳嘅酥皮蛋撻放咗上去，引起熱烈嘅關注而爆紅，蛋撻厚得黎又鬆化既賣相，吸引左好多蛋撻迷過黎幫襯，高峰時期要排足45分鐘先買到，由此可見佢有幾受歡迎。
金園茶餐廳其實已經長沙灣開業二十幾年，係1998年開業，係家庭式經營，呢家由第二代既次女接手。第一代店主做法就係貴精不貴多，所以餐牌剩係得兩頁紙，款式唔多，不過茶餐廳要有嘅佢都有，當中豬扒燴意粉最出名，因為入面既秘製黑椒係前店主拜師學習，黑格豆要親自去上環海味店挑選，對食物非常執著。特別一提每人最低消費$19，所以淨係食一個蛋撻唔夠。
當日係紅日去，大概下晝兩點去到餐廳，會見到餐廳左右有兩條隊，左邊係堂食，右邊淨係買蛋撻，右邊條隊會比較多人，大概六到十人，每次都係半打半打咁買，蛋撻出爐一底大概有36件，所以兩、三分鐘就會掃光一底。而左邊條隊大概有四個人，可能因為我一個人去，所以好好彩唔駛等就入到去堂食。
店內都算燈火通明，長身會貼咗店舖舊面貌嘅相片，餐廳既一磚一瓦、傢私、水吧全部都係自己設計同製造，不過佢哋嘅長枱大細比較細，再加上疫情關係，用隔板分開一半，就窄上加窄，啲嘢食緊貼住隔板。
-
1️⃣ 酥皮蛋撻 💰8（👅: 8.5/10）
酥皮蛋撻
$8
13 瀏覽
1 讚好
0 留言
呢度蛋撻嘅酥皮係用麵粉、豬油同奶粉做嘅油酥皮，攪拌後放入雪櫃，經過一晚鬆筋，再加上用雞蛋、奶水、糖、油整成嘅水油皮，同樣冷藏過夜，將兩層皮疊起，不斷對摺，完成後再放入雪櫃過夜，呢個多年不變、經由入行已經四十幾年老師傅既蛋撻食譜，先做到呢個咁特別嘅酥皮。
一個好食既酥皮蛋撻，我覺得首先皮要酥香鬆化，厚度要適中，酥皮與蛋漿的比例要恰到好處，食起黎先有層次感，因為酥皮太厚無層次，太薄又好易變實，承受唔到蛋漿重量，未係焗爐裏發起就已經比蛋漿壓扁。而蛋漿口感要滑，唔可以離邊，如果唔係有虛位既蛋漿食落會韌。蛋漿比例要適中，入口先夠滑同帶蛋香，如果蛋分量太少，蛋漿會過稀唔夠蛋香。蛋撻味道又唔可以太甜，如果唔係會搶左酥皮既油香。
酥皮蛋撻大細差唔多掌心咁大，睇落脤卜卜，個個都係色澤金黃色，個酥皮比一般麵包舖厚好多，有足料既厚酥皮，外表非常之靚，無論係酥皮定係入邊嘅蛋漿，聞落好香牛油香味，蛋撻羅上手，足秤重料，八蚊呢個價錢非常貼地。
入口酥脆又鬆化，酥皮夠厚，撻皮層次分明，但酥皮究竟厚好定薄好就好睇個人口味，一個蛋撻點好食法，凍都唔會係好食，而呢個食落夠熱辣辣，焗得夠乾身。
中間蛋漿部份呈金黃色，入口滑溜而且有蛋香，蛋汁脹卜卜，蛋香同牛油香並重，食落唔油膩，甜度亦恰當，要挑剔既係如果可以再甜啲、蛋漿再厚D、蛋撻既底都好似外層咁鬆化會更好食。
-
🍲 特餐💰40
2️⃣ 沙嗲牛肉麵 （👅: 7.5/10）
沙嗲牛肉麵
$40
21 瀏覽
1 讚好
0 留言
沙嗲牛肉麵算係依度嘅招牌，沙嗲牛肉配方係上一代店主自己研究，去左唔同地方試完之後，搵到呢間沙嗲廠出產既沙嗲醬，而且用左新鮮牛肉。
沙嗲汁主要得牛肉有沾到，而碗麵本身係無咩，所以牛肉食落算夠味，不過個湯麵就唔太夠沙嗲汁，而且湯底偏鹹，食落會口渴。
牛肉食落較厚，算冇乜筋，份量有四、五舊可以接受。
麵應該係大光麵，食落算小小淋，我個人鍾意硬身D。
-
3️⃣⃣ 火腿奄列（👅: 7.5/10）
多士
$2
15 瀏覽
1 讚好
0 留言
火腿奄列食落正常，蛋煎到半生熟，切開中間會漏少少蛋汁，不過會有小小燶邊，食落都有小小燶味，火腿份量正常，不過油味重左D。
-
4️⃣ 多士 +💰2（👅: 7.5/10）
多士烘到偏燶，牛油都算足夠，小小脆身。
-
🍹 凍檸茶 +💰2（👅: 7.5/10）
凍檸茶
$2
28 瀏覽
1 讚好
0 留言
凍檸茶茶算幾濃，但唔會好澀，加埋檸檬幾香，係杯唔錯既檸茶。
-
🌟其實長沙灣同區既新華茶餐廳都係出名蛋撻，我食過覺得蛋撻酥皮偏厚，要食多兩啖先食到中間，雖然酥皮鬆化、蛋漿稠度適中，不過甜度偏淡、蛋香較單薄，酥皮同蛋都是咬落較軟，個人鍾意金園蛋撻多D。
好食係好食，但值唔值得山長水遠買，就好睇大家幾鍾意蛋撻，如果係買一底返去同人一齊食都值得既，如果淨係想淺嚐一兩個，建議不如直接堂食試埋其他野食，因為堂食可以邊食邊等出爐既蛋撻。而呢度既特餐份量都足夠，再加埋蛋撻，其實一定食得飽。
呢度係蛋撻每朝六點就出爐，網上寫每10分鐘就出一次爐，但實際我果次食見到差唔多7、8分鐘就出一次爐，可能因為出咗名，為左滿足大排長龍嘅大家。店內都有其他新鮮出爐嘅麵包同西餅好似合桃蛋糕、蝴蝶酥、椰撻、雞批賣，價錢都係合理。另外店鋪既黑椒炒意粉都係人氣之選，過黎試蛋撻個時可以順侯一試。
-
👅味道: 8/10
🍴環境: 6.5/10
💰消費: 60 (服務費: NA)
❗ 每人最低消費$19
張貼
