影片
更多
2023-05-02
69 瀏覽
呢日走到去沙田蛇王哈哈！其實係同老婆大人同埋朋友走咗去四季芬芳食蛇先真。我已經唔係第一次嚟四季芬芳，上次去宅度假之前就係嚟呢度食晏晝印象非常唔錯，難得呢日入沙田一於嚟重溫下好味嘅點心先。睇睇餐牌竟然見到有平時冬天先至會食嘅蛇肉菜式，乜春夏天食蛇都得唔會燥嘅咩？我第一眼就睇中呢個燕窩蛇湯燉節瓜盅拼紫椰菜臘味粒蟹肉蛋白炒飯嘅孖寶，有靚湯又有個炒飯食好鬼豐富咁。呢個燕窩蛇湯燉節瓜盅入面嘅燕窩都有唔少，入面有蛇肉、大蝦同埋乾瑤柱，加埋正氣嘅節瓜個湯好飲落去香甜。另外呢一個紫椰菜蟹肉炒飯都好好味道，炒飯夠乾身拍得住化老婆大人嘅手勢，仲有好多鮮甜嘅蟹肉而且份量唔小添，呢個湯加飯嘅孖寶賣百五蛟真係好抵食。 跟住呢個藥膳醉乳鴿王估唔到質素會咁好，個乳鴿肉好鬼嫩滑但係唔會好淋仲好有咬口，酒味同鹹度較得啱啱好呢隻乳鴿王係正斗嘢嚟。除咗蛇肉同埋燉湯餐廳仲出咗好多新款點心，全部都七彩繽紛好鬼養眼入面有唔少係滋補養生又唔會燥嘅點心。呢個白雪雪嘅係太子參帶子餃個皮好煙韌，入面有好多鮮甜嘅帶子肉食落會有少少回甘，嗰啲應該就係太子蔘嘅味道。呢個金黃色嘅就係菊
我已經唔係第一次嚟四季芬芳，上次去宅度假之前就係嚟呢度食晏晝印象非常唔錯，難得呢日入沙田一於嚟重溫下好味嘅點心先。
睇睇餐牌竟然見到有平時冬天先至會食嘅蛇肉菜式，乜春夏天食蛇都得唔會燥嘅咩？
我第一眼就睇中呢個燕窩蛇湯燉節瓜盅拼紫椰菜臘味粒蟹肉蛋白炒飯嘅孖寶，有靚湯又有個炒飯食好鬼豐富咁。
呢個燕窩蛇湯燉節瓜盅入面嘅燕窩都有唔少，入面有蛇肉、大蝦同埋乾瑤柱，加埋正氣嘅節瓜個湯好飲落去香甜。
另外呢一個紫椰菜蟹肉炒飯都好好味道，炒飯夠乾身拍得住化老婆大人嘅手勢，仲有好多鮮甜嘅蟹肉而且份量唔小添，呢個湯加飯嘅孖寶賣百五蛟真係好抵食。
跟住呢個藥膳醉乳鴿王估唔到質素會咁好，個乳鴿肉好鬼嫩滑但係唔會好淋仲好有咬口，酒味同鹹度較得啱啱好呢隻乳鴿王係正斗嘢嚟。
除咗蛇肉同埋燉湯餐廳仲出咗好多新款點心，全部都七彩繽紛好鬼養眼入面有唔少係滋補養生又唔會燥嘅點心。
呢個白雪雪嘅係太子參帶子餃個皮好煙韌，入面有好多鮮甜嘅帶子肉食落會有少少回甘，嗰啲應該就係太子蔘嘅味道。
呢個金黃色嘅就係菊花蝦餃，塊皮原來加咗菊花粉嚟搓唔怪得知個顏色咁鬼靚啦！蝦餃就食得多加咗菊花真係第一次試，原來加埋可以咁清香味道真係好特別。
跟住呢個係老婆大人最鍾意食嘅翡翠蘆筍餃，入面除咗有佢最愛嘅蘆筍之外仲有啲豬肉同埋菇菌，食落去個餃確實又真幾清香嘅唔怪得老婆大人咁鍾意。
呢一個係紅菜頭素餃最啱唔鍾意食肉嘅人，雖然冇肉喺入面但食落去都好清香。
鍾意食香口嘢嘅我對呢一個太史蛇羹酥最有興趣，但係點樣將液體嘅蛇羹放入去做到點心嘅呢？老婆大人話好似小籠包雪到啫喱咁樣包咪得囉！
呢個蛇羹酥外層真係炸幾好酥脆，入面嘅蛇羹炸完之後變成多汁嘅餡料，食落去好香而且冇腥味又唔油好掂喎。
呢個樣鬼咁過癮嘅喺橙皮蓉柑桔包，個包底仲煎到有啲脆口咪以為佢得個樣呀，原來包個皮都真係有少少橙香味，入面嘅豬肉餡加咗鹹柑桔食落去有朕香味而且仲冇咁漏添。
最後我哋仲叫做呢個黑芝麻豆沙包做甜品，黑蚊蚊嘅黑芝麻豆沙包咬落都幾軟熟仲有好濃郁嘅芝麻味，食完隻牙唔會黑蚊蚊放心啦哈哈哈！第二次嚟幫襯感覺都係咁正不過我仲未試過中環蛇王芬，搵日約老婆大人去撐吓枱腳先得。
四季芬芳
電話：31082196
地址：沙田沙田正街2-8號新城市廣場三期3樓363A號舖
張貼
