330
22
21
| 餐廳: | 四季芬芳 |
|---|---|
| 優惠: |
於此國泰夥伴餐廳用餐賺里 ! 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
港鐵沙田站 A3 出口
繼續閱讀
電話號碼
31082196
開飯介紹
中環老字號蛇王芬的副線，以蛇羹為概念創作新派中菜，另亦供應廣東小菜。餐廳以紅、綠色為主色，糅合懷舊及現化風格，典雅而不失時尚。
繼續閱讀
營業時間
今日營業
11:30 - 15:30
17:30 - 21:30
星期一至日
11:30 - 15:30
17:30 - 21:30
公眾假期
11:30 - 15:30
17:30 - 21:30
公眾假期前夕
11:30 - 15:30
17:30 - 21:30
以上資料只供參考, 請與餐廳確認詳情
-
網上訂座服務暫停
優惠
| 餐廳: | 四季芬芳 |
|---|---|
| 優惠: | 國泰會員用餐消費最高可賺取HKD4=3里數。受有關條款約束。 |
|
條款及細則:
|
|
|
|
食家推介
相關文章
「蛇王芬」這個名字，大家絕對不會感到陌生，這間百年老店更是不少中環之友的飯堂，這間走年輕人路線的「四季芬芳」，就是「蛇王芬」首間走年青人路線的分店。 甫進店內即時感受到那時尚中又不失傳統的原素，集古至今的走進了「四季芬芳」，帶點潮味又不失傳統的中式裝潢；雖說是年青新線路，門口郤有蔡瀾所贈的「四季芬芳」題字，大家記住來打打卡呀！今年是「蛇王芬」83 週年紀念，更請了香港註冊中醫師郭瑩瑩，特別為食客，提供非常適合春夏清補之用，又具有調理作用的養生美饌，個人試過覺得真不錯。燕窩蛇湯燉節瓜盅「燕窩蛇湯燉節瓜盅」拼「紫椰菜臘味粒蟹肉蛋白炒飯」話明是養生菜式。便是以「蛇王芬」的經典蛇羹作為藍本，蛇湯以蛇骨、 雞肉、豬肉等新鮮食材熬煮半日而成；節瓜則先挖去瓜肉，釀入帶子、蝦仁、瑤柱和袪濕的生熟薏仁等，原盅燉煮 2－3 小時。蛇湯營養豐富，節瓜祛濕消暑，還加入潤肺滋陰的燕窩，大補元氣，此菜式更是參考中醫師的建議於燉湯中加入玫瑰花瓣，氣味更為清香，善能疏肝理 氣而解鬱，非常適合春夏飲用，清補而不燥。 臘味粒蟹肉蛋白炒飯這個「蛇及臘味」新套餐，除了足料蛇湯外，還有配上臘味粒蟹肉蛋白炒飯，加入紫椰菜及陳皮絲，清新爽口，大大減低臘腸的油膩感，米飯粒粒分明，非常的滋味。太史蛇羹酥必試的「太史蛇羹酥」，這個 便是以「蛇王芬」的傳家寶當重新演譯，蛇肉不但營養價值高，脂肪含量低及含豐富蛋白質，據Gigi表示，先將蛇羹湯水凝固成為啫喱肉凍，再以酥皮包起並炸至金黃色，外層酥香可口，內裡保留蛇羹的原汁原味，別有一番風味！這個工序繁複的美點，在坊間已失傳了，幸好這裏保留了這人間美食，所以以品嘗得到。翡翠蘆筍餃餃皮晶瑩翠綠的翡翠蘆筍餃，饀料內有豬肉、雞髀菇、秀珍菇及蘆筍切碎，並加入中醫師提議的百合作為餡料；百合清潤，有助清肺止咳，更可紓緩因壓力大而引致失眠多夢的香港人。入口即嘗到蘆筍的鮮脆，鮮肉多汁，爽口又美味。菊花蝦餃這款蝦餃最精妙之處是聽從中醫師建議將菊花入饌，名副其實的做到皮薄餡靚，薄薄的蝦餃皮透出淡淡的金黃色， 入口蝦肉爽口彈牙，還滲出陣陣的菊花，絕非一般的蝦餃，口感極佳，絕 對是實而不華的地道點心。紅菜頭素餃不用多說大家都知道紅菜頭具補血之效，這款紅菜頭素餃最合素食人士細嘗， 饀料有紅菜頭、雞髀菇、冬菇及杞子，滋補肝腎，入口時蔬菜的原汁原味，清甜好味。太子參帶子餃加入了矜貴鮮甜的帶子餃，還混入中醫師推介的太子參粉，性平，味甘，益氣健脾，生津潤肺，氣陰雙補，入口即嘗到甘香味濃，鮮味十足。橙皮蓉柑桔包 單看賣相已攞滿分，入口更是不得了，以豬肉與鹹柑桔作餡料，並加入橙皮蓉在麵粉中成橙橙的柑桔包，只能講句好好味。黑芝麻豆沙包 加入竹炭粉成炭的黑芝麻豆沙包，餡料以黑芝麻、 麻蓉和豆沙蓉混合而成，一口咬下鬆軟的包，即時爆漿流沙，滿口都是香濃芝麻氣味，香飄四溢。藥膳醉乳鴿王 這道非常好味的菜式，乳鴿入口肉質嫩滑，中醫師建議加入當歸和杞子，浸泡在醬汁內一整晚至入味，上碟時淋上紹興花雕酒，滿口都是鴨肉的鮮甜和迷人的酒香中。
繼續閱讀
星期五晚屋企人忽然話喺沙田食飯，喺無準備嘅情況下，是但搵一間唔駛等位/少人等位嘅餐廳😂。晚上7點半，見到呢間修裝好花碌碌嘅餐廳無人排，齋睇個名以為食蛇嘅野，望個餐牌見到有麵同小菜，完全無蛇嘅食物，先敢入去😅見到每枱食客都有隻大碗喺面前，仲以為呢度食物份量好大，但其實只係個碗個🙈份量係正常SIZE。蔥油蝦撈麵 $89全餐最好味就係呢碗麵!! 🤤蔥油好夠，而且好香；蝦球有5-6大粒；麵條類似上海麵果D，不過帶少少彈牙感。蟹粉蝦仁 $139蝦仁係急凍蝦仁，肉質幾爽彈，但無乜蝦味；上面D蟹粉勁腥勁難食，只係食一粒，都足以腥全晚😥，同職員反映後，可以取消。服務真係幾好👍。古法咖喱牛筋牛腩撈麵 $89由於蝦麵太好味，所以叫多個撈麵。本身想試招牌雙色蟹膏撈麵，但諗到勁腥嘅蟹粉蝦仁，都係點蟹以外嘅食物安全D😅。咖喱偏甜，唔辣，香料味亦唔係好濃；牛筋腩算多，唔係炆到完全軟爛果D口感，依然有少少韌度，中意有咬口牛筋腩嘅朋友就會中意。總結都係蔥油蝦麵好味好多😋。雙重黯然銷魂煲仔丼 $89餐牌完全無寫雙重係咩意思，只係見佢寫招牌，即管試下🤔。原來雙重係普通腩肉片同叉燒味嘅腩肉件。腩肉片有兩塊，唔係好厚，而且幾肥，不過肥膏入口即溶；腩肉件個汁幾好味，不過肉質好鞋、好實、好乾，唔OK。花雕醉雞 $89入口第一個感覺係鹹，之後先有酒香，個人覺得鹹度可以減少少。雞肉正常，唔滑又唔鞋。露筍黑椒和牛粒 $139我食唔出係咪真和牛粒，不過口感真係幾軟淋，但牛味偏弱。性價比唔高。四個人埋單$588，人均$147。個人覺得係撈麵好味，小菜又貴又細份。另外全部食物都用餐車，經餐廳外面條公眾走廊送入店內，雖然短時間喺走廊走動，但喺無掩蓋嘅情況下，感覺唔太良好。😥
繼續閱讀
約左個朋友係沙田食晚飯，行過四季芬芳佢話想試下，門口見到大大個招牌寫住蛇王芬，心諗大熱天時食蛇會唔會太補😂不過見到餐牌除左招牌蛇羹，仲有好多養生fusion 菜，所以都決定入去試下。我地夜晚7點鬆d到，已full house咁滯 ，好彩等左一陣就有得入🤩招牌花膠太史蛇羹套餐套餐有一碗蛇羹同生炒糯米飯，蛇羹足料，藥材味唔會太重，配埋檸檬葉同脆脆，好有童年回憶🙈生炒糯米飯粒粒分明，唔會太油或者太咸👍雙重黯然銷魂煲仔撈麵煲仔飯食得多，煲仔麵都正係第一次食，溫泉蛋加埋兩款叉燒，甜甜地既汁撈麵都幾好味😋子薑麵醬魚腩煲魚腩厚肉大大塊，應該係有炸過再炆，食落juicy同好惹味三色小籠包一次過試晒原味、黑松露、麻辣三種味，可以同朋友一人一粒，好欣賞有小test tube 唧d醋入去個小龍包中間，好貼心，唔怕夾起點醋個陣整爛😆菊花蝦餃呢個幾特別，第一次食有菊花味嘅蝦餃我地太貪心叫多左，每一份食物份量都好多，飽到飛起呀！
繼續閱讀
養生中菜首選🌸四季芬芳by蛇王芬中午時間同朋友去咗沙田新城市廣場行街，想食個點心嘆吓茶，見第三期嘅四季芬芳by蛇王芬門面好特別，好retro，就入去食個晏晝飯😋中午食飯/麵食等都會額外贈送四季養生系列飲品，好養生㗎🥰餐廳店員服務態度好好！我第一次嚟食，店員都有推介同講解食物種類，好細心呀☺️🍽️人均：$100-$200🕰️時間：午市時段•四季養生系列桃膠菊花桂花雪梨茶竹蔗茅根馬蹄薏米水石榴紫貝天葵山楂蜜黑糖三棗桂圓薑母茶我哋四款唔同口味嘅四季養生系列都試過晒 👍🏻我個人就最鍾意石榴紫貝天葵山楂蜜，唔會太酸，但係又夠晒開胃。其次桃膠菊花，桂花雪梨茶都好好飲，好足料，見到有唔少桃膠係杯飲料入邊。因為佢係外賣樽裝，大家飲唔晒都可以拎返就繼續飲，唔好嘥🤟🏻另外，唔想飲依類特色飲料嘅都可以飲餐廳本身提供嘅熱茶，都好好飲，消滯解渴🫖麵飯類：•蛇王芬特色蛇羹套餐 $149🫕花膠太史蛇羹🍚生炒臘味糯米飯嚟蛇王芬餐廳又點可以唔食吓佢嘅蛇羹套餐？蛇羹熱食暖身暖胃，加入配料蔥花同餅仔，十分好食❤️糯米飯麵冇得彈，好多切碎咗嘅臘腸臘肉，又唔過鹹👍🏻•雙重黯然銷魂煲仔拌麵 $89佢依個雙重黯然銷魂煲仔係餐廳其中一個皇牌推薦，瘦叉燒同半肥瘦五花肉都好正！易咬唔韌👍🏻因為蛇羹套餐有糯米嘅關係，我哋就點拌麵，拌麵有啲似豉油王炒麵，不過唔係幼麵☺️點心類：•菊花蝦餃（菊花）$34蝦餃一口size，真係有菊花味🤤好fresh好有特色！•太史蛇羹酥（三角酥）$49同平時酒樓食嘅三角酥其實好似，但個餡料就變咗做蛇羹，仲好食咗！😋•三色小籠包 $89三色小籠包勁IG-able，特別適合一啲平時食小籠包沾勁多醋嘅食家（包括我🤟🏻），因為佢有支試管仔俾你直接注入醋落個包內，然後一啖係口內咬落去😍千奇唔好咬一半呀，啲醋同汁同泌走哂㗎！三色有三種不同口味嘅小籠包，包括原味、麻辣、同黑松露。全部都好好味😋•咸柑桔生煎包 $39相信唔少人俾依款鮮橙色嘅生煎包吸引咗！有柑桔🍊甜味！出面冇見過！Bible rating: 9/10📍地址：四季芬芳 (沙田)沙田沙田正街2-8號新城市廣場三期3樓363A號舖
繼續閱讀
我是十分相信中藥對身體的效用, 所以平時都會遵循中醫師的建議及飲食食療, 今天好開心, 了解更多膳食的奧秘. 欣賞四季芬芳的變革創新, 帶出四季養生新潮流, 最近就有全新春夏養生食療料理.蛇, 滋補不燥, 透過不同的烹調方法對人體產生不同功效, 四季芬芳根據季節以不同藥材入饌, 全年也可吃蛇! 就如這款燕窩蛇湯燉節瓜盅, 以蛇骨、雞肉、豬肉等新鮮食材熬煮半日而成, 又有節瓜釀帶子、蝦仁、瑤柱, 最正是有祛濕的生熟薏仁燉2-3小時.特別要讚湯中加入玫瑰花瓣, 賣相靚之餘又能疏肝理氣解鬱.喝完湯, 可吃個飯 - 紫椰菜臘味粒蟹肉蛋白炒飯, 粒粒分明, 喜歡陳皮絲的清香, 即使有臘腸也不覺油膩.喜歡香口美食的話, 就要吃太史蛇羹酥, 蛇羹湯水凝固成為啫喱肉凍，再以酥皮包起並炸至金黃色, 一口咬下就嚐到原汁原味!藥膳醉乳鴿王, 肉質嫩滑, 加入女性恩物、補血活血的當歸杞子於醬汁中, 把乳鴿浸一整晚, 很入味! 最喜歡上碟時淋上的花雕酒.四季芬芳也有點心吃的, 例如清熱解毒的菊花蝦餃, 很特別呢~ 首次看兩者的結合, 新鮮彈牙的鮮蝦加入平肝明目的菊花, 為餃帶來淡淡花香, 而此餃也很適合肝火盛人士食, 即是我啦~ haha賣相未算美觀, 但味道十分讚! 紅菜頭素餃, 內有杞子、冬菇及雞髀菇等, 蔬菜的清甜盡現.別以為這是普通的帶子餃! 這是拌了太子參粉的太子參帶子餃, 太子參粉性平兼益氣健脾, 帶微微甘味, 吃來很夾. 吃過以上菜式, 已經很飽了, 但也得試試橙皮蓉柑桔包, 造型可愛, 而且味道認真不錯, 以豬肉和咸柑桔為餡料, 而包皮更混入橙皮蓉, 以生煎包的方法去做, 好開胃.黑芝麻豆沙包也不遜色~ 包是超級軟熟的, 若果餡料(黑芝麻、 麻蓉和豆沙蓉)能多少少就完美了.始終每人體質也不同, 我自己就虛不受補的, 但只要每款食物不吃過量, 也是可以的. 飲品方面, 我點了清熱袪濕的竹蔗茅根馬蹄薏米水(凍), 甜度剛好; 朋友則點了足料的桃膠菊花桂花雪梨茶(凍).
繼續閱讀