影片
更多
2012-03-23
73 瀏覽
其實我要講返嘅係前年情人節嘅事，記得當時小弟睇咗本雜誌，係介紹幾間高級及出名嘅蛋糕店，其中就有此店。當時係介紹佢玫瑰花做形蛋糕，我見整得頗靚，加上相比其他店，佢嘅價格收費略平宜 (都要310銀一個)，所以諗住嚟緊嘅情人節買返個嚟氹下老婆但忘記早些少去訂，到前兩日至打電話去時，店方稱因太多訂單做唔切，所以要截單，嘩...當時心急如焚之際，店員話當日可以早上去試下可能有客會唔要，咁就可以賣畀我。到情人節當日一早，已忘記9點定10點，一大早衝去等開門，我之後都有幾個似我嘅表面「老定」，內心擔心到不得了嘅傻瓜跟隊；哈哈之後不斷以善慕嘅眼神，望住其他人嚟攞該款蛋糕走，嗰種期盼而失落嘅心情，到現在仍銘記在心呀終於，喺六合彩中唔到，但約個多小時後，個女店員通知我，有個客訂咗個粉紅色嘅唔會要，問我要唔要喎，我當時幾乎感動落淚，感激上天賜予我的幸運。於是二話不說，乖乖放低錢，好似中咗獎咁，含淚地小心翼翼攞住個靚靚蛋糕走人；臨走時仲偷偷以勝利嘅眼神，偷望到我後便幾個傻瓜，同樣以善慕嘅眼神望住我離開；嘻嘻嘻當懷住喜悅嘅心情，同老婆、外父、外母、姨仔打開個靚靚玫瑰花蛋糕，眾人均讚嘆其美麗之造形及精湛嘅手工，並
當時係介紹佢玫瑰花做形蛋糕，我見整得頗靚，加上相比其他店，佢嘅價格收費略平宜 (都要310銀一個)，所以諗住嚟緊嘅情人節買返個嚟氹下老婆
但忘記早些少去訂，到前兩日至打電話去時，店方稱因太多訂單做唔切，所以要截單，嘩...當時心急如焚之際，店員話當日可以早上去試下可能有客會唔要，咁就可以賣畀我。
到情人節當日一早，已忘記9點定10點，一大早衝去等開門，我之後都有幾個似我嘅表面「老定」，內心擔心到不得了嘅傻瓜跟隊；哈哈
之後不斷以善慕嘅眼神，望住其他人嚟攞該款蛋糕走，嗰種期盼而失落嘅心情，到現在仍銘記在心呀
終於，喺六合彩中唔到，但約個多小時後，個女店員通知我，有個客訂咗個粉紅色嘅唔會要，問我要唔要喎，我當時幾乎感動落淚，感激上天賜予我的幸運。於是二話不說，乖乖放低錢，好似中咗獎咁，含淚地小心翼翼攞住個靚靚蛋糕走人；臨走時仲偷偷以勝利嘅眼神，偷望到我後便幾個傻瓜，同樣以善慕嘅眼神望住我離開；嘻嘻嘻
當懷住喜悅嘅心情，同老婆、外父、外母、姨仔打開個靚靚玫瑰花蛋糕，眾人均讚嘆其美麗之造形及精湛嘅手工，並分分拍照後，就好唔舍得咁分咗個約一磅嘅小玫瑰花嘞
當各人食咗一啖之後均木無表情，亦無人講嘢，我自己都知係咩一回事...
呢個蛋糕真係幾靚，再加上成三百蚊一磅嘅價錢，竟換嚟平平無奇嘅味道，啲玫瑰花瓣係用糖做，啲蛋糕只係加咗些少生果粒嘅雪方蛋糕嚟... 嗰種味道有幾「美味」？相信都唔須要我形容...亦唔識形容...唉...唉...唉...！！！
張貼