影片
更多
2022-11-07
88 瀏覽
本身睇openrice 見個個都咁好評價就滿心歡喜咁黎試，點知成個晚餐體驗都好失望，店員態度又差😞餐廳係手機apps落單，但我地禁極都落唔倒單，問完店員原來落單一定要連wifi / 登記做會員先得。因為唔想俾咁多資料我地就選擇連wifi，但都係唔成功，咁我地就問店員可唔可以幫我地落單。點知個店員即刻黑面又發脾氣話冇可能連唔倒，仲覺得我地搞事。大佬你估我唔想手機落單咩，我都唔想煩倒你哋。搞左一輪終於有位妹妹同事睇唔過眼過黎快快手幫我地落單。之後全程果位黑面同事就有意無意咁俾面色我哋睇🤦🏻♀️至於野食，味道係唔錯既，值得一讚嘅係個午餐肉，炸得岩岩好，放埋係個午餐肉罐到打卡一流。水冷麵，正正常常，係細碗左少少。我地另外叫左個二人set，揀左蒜蓉炸雞，個炸雞味道唔錯，不過就冇乜韓式味，似中式蒜油味咁，但都係好食既。個泡菜包豬肉有啲失望，二人份量略厭少左啲，啲豬肉片又唔似平時韓國餐廳果啲大大件咁。仲要泡菜變左蘿蔔絲。問佢有冇得俾返少少泡菜我地，始終個餐係寫泡菜豬肉，我地唔expect 係配蘿蔔絲。但都俾店員黑面咁拒絕左。甜品叫左提拉米蘇，都幾特別，個組合又幾夾，係個底有啲淰左，都唔差既。套餐包兩
餐廳係手機apps落單，但我地禁極都落唔倒單，問完店員原來落單一定要連wifi / 登記做會員先得。
因為唔想俾咁多資料我地就選擇連wifi，但都係唔成功，咁我地就問店員可唔可以幫我地落單。點知個店員即刻黑面又發脾氣話冇可能連唔倒，仲覺得我地搞事。大佬你估我唔想手機落單咩，我都唔想煩倒你哋。
搞左一輪終於有位妹妹同事睇唔過眼過黎快快手幫我地落單。之後全程果位黑面同事就有意無意咁俾面色我哋睇🤦🏻♀️
至於野食，味道係唔錯既，值得一讚嘅係個午餐肉，炸得岩岩好，放埋係個午餐肉罐到打卡一流。
水冷麵，正正常常，係細碗左少少。
我地另外叫左個二人set，揀左蒜蓉炸雞，個炸雞味道唔錯，不過就冇乜韓式味，似中式蒜油味咁，但都係好食既。
個泡菜包豬肉有啲失望，二人份量略厭少左啲，啲豬肉片又唔似平時韓國餐廳果啲大大件咁。仲要泡菜變左蘿蔔絲。
問佢有冇得俾返少少泡菜我地，始終個餐係寫泡菜豬肉，我地唔expect 係配蘿蔔絲。但都俾店員黑面咁拒絕左。
甜品叫左提拉米蘇，都幾特別，個組合又幾夾，係個底有啲淰左，都唔差既。
套餐包兩杯野飲，我地額外再叫多左杯。 唔記得啲名，野飲就正正常常咁，冇期待冇失望。
如果只論野食味道都唔差既，但份量多啲會開心啲，大食少少既會唔夠飽，而且員工態度令我唔會想再幫襯。🫤
張貼
