椈 (已結業)

去蘭桂坊，其實唔一定下下要去酒吧係咁㨃既，轉角呢間小店「椈」就好有日本居酒屋嘅感覺，小食串燒非常高質，小酙一杯， 別有一番滋味。《芝士通粉焗蟹蓋》🦀聽個名已經夠吸引，蟹膏蟹肉嘅份量一啲都唔孤寒，芝士既鹹香同蟹膏嘅鮮味係絕配，食之前撈埋粒靚蛋黃落去，滿口都係又濃郁又多層次既味道。呢個食法我都係第一次見，完全愛上呀😍😍 《芝士年糕》🧀一咬拉絲，煙煙韌韌， 最緊要係包住年糕塊紫菜夠新鮮，咬落脆口，完美！ 《唐揚炸雞》🍗 係現成炸起嘅，火候控制得好好，做到金黃香脆，雞肉又唔會乾，一口一粒炸雞，配埋新鮮嘅生菜🥬，一唔小心就清晒😂 《芝士薯條》厚肉薯條，加碎芝士，不過不失，份量足夠今次我哋都叫咗唔少串燒呀🍢：多春魚、牛肋條，特別推薦嘅係 《大蔥黑豚肉串》《串燒雞翼》 同《牛舌》 。用最簡單嘅調味去突出本身既肉香，好唔好食就要睇師傅嘅手勢同食材靚唔靚。佢地既串燒唔會燒到乾爭爭，鎖到肉汁之餘仲keep 到雞肉嘅嫩滑、牛舌嘅彈牙爽口，唔會有咬唔爛嘅情況發生，整體都真係幾高質㗎！《富士山柚子碳酸飲料 》同《信州蘋果碳酸飲料》，清甜解渴，含有少量酒精，好啱而家呢種天氣飲呀🍹