Steak Bar (已搬遷) 新店位置

一向鐘意食牛，今晚黎到老蘭，唔係飲酒，而係食牛。入到去店員好招待，熱情安排我地坐底。餐廳座位不多，勝在坐得舒服。一份套餐包括左牛扒、白飯、沙律、前菜。🐂安格斯西冷牛扒 $248厚切上碟，有少少肥，卻多份牛油香。旁邊有海鹽再沾上，但我覺得本身已夠味。另外有個微甜既醬汁幾好食。牛扒叫左五成熟，但可惜食落似89成，浪費左塊牛，如果生D會好食D。牛扒牛味突出，油脂香，肉味濃厚。日式沙律菜新鮮爽脆，食埋曬滿飯素既白飯，夠哂飽。🐂吉列炸牛排 $188吉列食得多，但吉列炸牛排真係第一次。上碟只有3成熟，但有燒爐可以自行燒至岩自己口味既熟成度。牛肉十分嫩滑，同時又有吉列既香脆感，口感層次豐富。🍟和風紫菜薯條 $48紫菜粉唔算多，唔太有紫菜味，但勝在薯條香脆可口。新鮮炸起，薯條熱辣辣、好重薯仔味，薯條黎講算優質。另外店員招待熱情周到，值得一讚。