更多
2021-02-16
374 瀏覽
講起上soho,朋友本身約上環站出,但我就慣咗中環站出,沿住中環半山自動扶手電梯上,咁就唔洗上斜咁辛苦呀。Acquasala門面設計簡約,但又好吸睛,室內環境好relax,好適合傾偈。我地叫咗一個brunchset(HKD$298)。Appetizer係caprese,aromatic beets同埋beef carpaccio。賣相精美,3款都係開胃嘅前菜,味道酸甜清新。個人比較鍾意caprese呢個經典嘅意大利開胃前菜,mozzarella配上清新蕃茄同basil ,不敗嘅組合。Brunch set入面嘅main course我地就揀咗impossible hamburger。素肉嘅味道同質感與真肉差冇幾,真係幾可亂真!包身鬆軟,面頭佈滿白芝麻,好香口,加上半溶芝士同生菜蕃茄,正!伴碟嘅薯條新鮮滾熱辣,外脆內軟,食到停唔到口!我地仲叫咗個Italian Cold Cuts (HKD$98)估唔到cold cuts分量都幾多,幾抵食!三款cold cuts都鹹香十足,質感略帶油潤唔乾身。伴碟嘅自家製脆條,外層酥脆,內裡空心,食多幾條都唔怕罪過。跟brunch set嘅甜品Tirami
Acquasala門面設計簡約,但又好吸睛,室內環境好relax,好適合傾偈。
我地叫咗一個brunchset(HKD$298)。
Appetizer係caprese,aromatic beets同埋beef carpaccio。賣相精美,3款都係開胃嘅前菜,味道酸甜清新。個人比較鍾意caprese呢個經典嘅意大利開胃前菜,mozzarella配上清新蕃茄同basil ,不敗嘅組合。
Brunch set入面嘅main course我地就揀咗impossible hamburger。
素肉嘅味道同質感與真肉差冇幾,真係幾可亂真!包身鬆軟,面頭佈滿白芝麻,好香口,加上半溶芝士同生菜蕃茄,正!
伴碟嘅薯條新鮮滾熱辣,外脆內軟,食到停唔到口!
我地仲叫咗個Italian Cold Cuts (HKD$98)估唔到cold cuts分量都幾多,幾抵食!
三款cold cuts都鹹香十足,質感略帶油潤唔乾身。伴碟嘅自家製脆條,外層酥脆,內裡空心,食多幾條都唔怕罪過。
跟brunch set嘅 甜品Tiramisu,呢個甜品幾有驚喜!咖啡味香濃,帶點苦澀唔會過甜,而且有明顯嘅酒香,Tiramisu質感軟滑,好啱我口味!
同朋友叫咗兩杯咖啡,分別係Mocha同Latte(各HKD$35),味道甘香,濃郁。
張貼