鮨玥 (已結業)

交通方便嘅蘇豪區，店舖出面就係有大量錶位 ，無論你搭車定揸車都夠晒方便！鋪面好有格調，好有日本居酒屋嘅風格！今次似我哋叫咗一個日本真蠔，飽滿嘅蠔身上面加咗一點酸醋，更能帶岀咗蠔嘅鮮味！之後我哋再叫咗兩件火炙三文魚壽司同埋火炙左口魚邊壽司；火炙完兩款壽司都魚油味十足！熱食就叫咗一份鵝肝帶子卷，鵝肝入口即溶！帶子厚度適中👌🏻兩者加埋一齊食都幾夾🤤本鮪壽司盛，當然係必點！有齊大中細拖羅，每一件都有唔同嘅口感，油脂分布好平均🤤🤤北海丼定食入面有齊晒咁多樣嘢唔同種類嘅海鮮，最令人驚喜嘅係海膽，好creamy 鮑魚嘅口感都好煙韌！😋😋😋定食入面仲有茶碗蒸個蛋好滑！ 最尾梗係要一個蘋果雪葩做結尾！林檎蘋果真係好香蘋果味，雪葩嘅口感比雪糕更好！呢個值得一試，不過聽講好搶手成日都賣哂！好彩今晚食到啫😋😋