終於有機會去試，
旺角分店開左係618新商場地舖位，
好易揾，係朗豪坊後面小小。
蘇媽既裝修係行懷舊風，
由內到外都好有feel 。
大約9點到等左一陣間就有位。
坐位唔算寬敞，但係味道撘夠。
上菜速度好快
叫完野食之後，佢會倒碗肉骨茶俾你。
我好中意陣藥材味，有得添飲㗎，
好中意飲呀喂
主食，食左仁噹牛肉撈麵$55
麵係用「拿渣面」 再配上個咖喱牛腩，
好岀色好意外地好好食。
牛腩有牛筋位好淋好入味。
魚仔醬撈啦啦 $46
其實食完都唔知咩係魚仔醬
有少少辣椒油係面，
配上大粒既蜆肉，
冇乜特別，
蜆肉新鮮，
味道鮮甜
三層肉肉骨茶 $45
鍾意食肥豬肉嘅你一定要食，
啖啖都好鬼滿足，
但係唔敢食咁多，
所以食到最後都揀黎食。
依個肉骨茶個味冇咁濃藥材味。
終於到我最中意既甜品，
椰香咖央多士 $26，
岀品唔夠熱依下冇d失望既，
烘底可以再脆d，
但係個醬好好食，唔係好甜
野飲，叫左杯馬來西亞奶茶$18，
掛住食唔記得咗影相添，
我鍾意泰式奶茶多啲。
呀姐話記得叫小甜！
另外叫左杯，美祿恐龍$33
好重朱古力味，好味。
總結兩個人食咗二百幾蚊，
我覺得唔算貴，味道啱我胃口，
一定會再黎食
