影片
更多
2018-08-25
1858 瀏覽
一年一度公司請食buffet, 會計小姐見到有電視框(discount ), 今年就試下食洲際酒店嘅buffet。始終係酒店大堂都好寬敞， 但坐低咗一張長枱之後， 啲凳好大張， 櫈貼櫈出入攞嘢食都好唔方便， 每次都要唔該借借， 唔太方便。野食方面，種類唔算多， 但樣樣都叫ok， 由於種類唔多每一個counter都要大排長龍， 我就唔係太鍾意。 明明想食放喺度嘅壽司， 但啲人排緊刺身， 阻住攞嘢，唔排隊又唔好意思， 擺位方面有啲問題。唯一讚嘅就係佢啲餐飲服務， 你坐低就有一杯welcome drink， 可以揀橙汁/紅莓汁/奇異果汁, 我就穩穩陣陣揀咗橙汁, 裏面都有好多果肉， 唔似果汁先生， 似鲜搾。長腳蟹都鮮味， 不過好幼身， 冇乜心機食。 羊肉咖哩都偏辣， 點印度薄餅一流。 Parma ham襯球狀嘅哈密瓜 ，視覺上都幾特別。呢個灌湯餃都幾出色， 皮薄餡靚， 上湯鮮甜，飲咗落去都唔口渴。呢個意粉都係推介之一， 呢位大師傅煮意粉一絲不苟， 除咗煮得好食之外，佢仲好用心咁幫你擺盤 ， 睇佢用心去放意粉，都係想你食得開心 。 睇佢煮嘢同擺意粉都係重點之一，同場仲有個外國人 煮意粉， 但上
始終係酒店大堂都好寬敞， 但坐低咗一張長枱之後， 啲凳好大張， 櫈貼櫈出入攞嘢食都好唔方便， 每次都要唔該借借， 唔太方便。
野食方面，種類唔算多， 但樣樣都叫ok， 由於種類唔多每一個counter都要大排長龍， 我就唔係太鍾意。
明明想食放喺度嘅壽司， 但啲人排緊刺身， 阻住攞嘢，唔排隊又唔好意思， 擺位方面有啲問題。
唯一讚嘅就係佢啲餐飲服務， 你坐低就有一杯welcome drink， 可以揀橙汁/紅莓汁/奇異果汁, 我就穩穩陣陣揀咗橙汁, 裏面都有好多果肉， 唔似果汁先生， 似鲜搾。
長腳蟹都鮮味， 不過好幼身， 冇乜心機食。 羊肉咖哩都偏辣， 點印度薄餅一流。 Parma ham襯球狀嘅哈密瓜 ，視覺上都幾特別。
呢個灌湯餃都幾出色， 皮薄餡靚， 上湯鮮甜，飲咗落去都唔口渴。
呢個意粉都係推介之一， 呢位大師傅煮意粉一絲不苟， 除咗煮得好食之外，佢仲好用心咁幫你擺盤 ， 睇佢用心去放意粉，都係想你食得開心 。 睇佢煮嘢同擺意粉都係重點之一，同場仲有個外國人 煮意粉， 但上碟後立見高低， 大家記得搵番同聲同氣嘅香港人煮意粉。
甜品只能夠話佢擺得好吸引， 味道都係好一般， 我反而欣賞佢個蝴蝶酥， 整得好鬆化同埋唔太甜。
臨尾仲有一杯餐飲， 橙汁都未飲完，仲有杯水， 真係飲唔落 。同事教落叫熱檸蜜， 起碼樽蜜糖可以拎走。
整體而言， 我覺得食物一般， 種類唔多， 經常要排隊， 真係到此一遊。
後記: 酒店嘅廁所隔數少得可憐， 得兩隔， 剛巧有人辩大事， 臭氣熏天， 原本排隊嘅女士紛紛逃離現場， 話曬都係五星級酒店，希望酒店加以改善。
張貼
