影片
更多
2022-06-20
357 瀏覽
之前見朋友ig po過呢一間high tea， 已經覺得好靚好精緻， 於是一早bookmark咗， 今次同朋友慶祝生日， 終於有機會試一試。Afternoon tea價錢為$438 per two，共有24件甜點及鹹點， 兩件鬆餅及兩杯飲品。呢間嘅下午茶有別於一般嘅港女下午茶， 佢唔係用三層架展示， 而係將所有精美點心陳列於一塊白色長板上， 就好似將藝術品放喺白色嘅畫布上， 每一件點心都非常之精緻， 藝術感爆棚， 未食都已經先滿足咗視覺上既享受。每人有12件甜點及鹹點， 餐廳將甜點及鹹點位置相間。 個人覺得鹹點比甜點出色， 比較好食嘅喊點有煙火腿芝士卷， 煙三文魚卷， 同埋柚子汁鵝肝醬脆餅。 煙火腿芝士卷同煙三文魚卷都同樣creamy，入口即融， 而鵝肝醬脆餅就點樣都好食嫁啦，但我覺得係鵝肚醬上面放上酸甜既柚子汁， 雖然幾fresh幾有新鮮感，但我自己就唔太偏好，覺得配上魚子醬可能更合適，或者就咁鵝肝醬配脆餅已經好好食。甜品方面就還好， 比較印象深刻嘅係紫薯撻 ，紫薯撻好精緻， 上面仲放上咗花瓣，好靚。朱古力餅同泡芙味道都唔錯，馬卡龍有四款口味，令成t個ea set更colorful
Afternoon tea價錢為$438 per two，共有24件甜點及鹹點， 兩件鬆餅及兩杯飲品。
呢間嘅下午茶有別於一般嘅港女下午茶， 佢唔係用三層架展示， 而係將所有精美點心陳列於一塊白色長板上， 就好似將藝術品放喺白色嘅畫布上， 每一件點心都非常之精緻， 藝術感爆棚， 未食都已經先滿足咗視覺上既享受。
每人有12件甜點及鹹點， 餐廳將甜點及鹹點位置相間。 個人覺得鹹點比甜點出色， 比較好食嘅喊點有煙火腿芝士卷， 煙三文魚卷， 同埋柚子汁鵝肝醬脆餅。
煙火腿芝士卷同煙三文魚卷都同樣creamy，入口即融， 而鵝肝醬脆餅就點樣都好食嫁啦，但我覺得係鵝肚醬上面放上酸甜既柚子汁， 雖然幾fresh幾有新鮮感，但我自己就唔太偏好，覺得配上魚子醬可能更合適，或者就咁鵝肝醬配脆餅已經好好食。
甜品方面就還好， 比較印象深刻嘅係紫薯撻 ，紫薯撻好精緻， 上面仲放上咗花瓣，好靚。朱古力餅同泡芙味道都唔錯，馬卡龍有四款口味，令成t個ea set更colorful 。
鬆餅配有兩個醬， 分別係鮮忌廉同類似紅莓醬， 個人比較喜歡紅莓醬， 因為酸酸甜甜，好開胃又好解膩。
飲品方面我就覺得花苶比較扺飲， 滿滿一大壺， 我叫咗玫瑰蕎麥茶，剛好可以中和甜品既甜同膩。
蜂蜜牛奶就比較一般，如果大家想的話，仲可以加錢轉 mocktail or cocktail。
PS 由於下午茶採用時令食材， 所以並無固定嘅餐單， 每日既嘅點心都有所唔同， 好多人介紹嘅蟹肉配青瓜，我今日就無緣品嘗了
PS2 雖然係每人十二點甜點及鹹點， 但唔係所有點心都係每人一件的，有幾款係只有一件
PS3 可以預先喺openrice落remarks要寫happy birthday， 店員前一日會打嚟confirm， 之後去到餐廳若無其事等店員上碟可以了
張貼
