影片
更多
2022-11-26
2756 瀏覽
之前一直戒口，完左整個婚禮之後當然要大食一頓！專登專登預約咗呢一間嘅週末下午茶！每個甜品都係一口size，精緻得來又夠多元化。而且鹹甜各半，不會偏重其中一種味覺(⁎⁍̴̛ᴗ⁍̴̛⁎)鹹點吞拿魚蓉撻、鵝肝醬撻、魚子醬蟹肉、巴瑪火腿芝士忌廉卷均是出色之作。魚子醬蟹肉撻嘅蟹肉裝得滿瀉，份量毫不吝嗇。加上魚醬嘅鹹香，鮮香味道更添一份層次。鵝肝醬好厚身，入口唔腥反帶點油潤。甜點泡芙總共有四款口味，小編當日食到嘅：係拖肥、藍莓芝士、朱古力、熱情果、特別欣賞佢裏面嘅餡料好爆滿，只係略嫌外皮稍為淋身，未有一咬即碎的口感；朱古力撻朱古力味非常濃郁，入口滿腔濃甜，撻底好脆！紫薯撻特意放上食用花點綴，口感綿綿的；馬卡龍的薄脆程度相當出色，蛋白杏仁外皮亦都做到帶點煙韌，甜度中上。另外配上的Scone必須用出色來形容，鬆軟得黎不失司康應有的硬口感，面層脆口更帶點牛油香氣，可以搽上紅莓醬和輕盈忌廉，相當滿意。飲品甜品套餐亦都包含咗兩杯飲品：竹炭鮮奶咖啡，蘋果薑粒茶。竹炭嘅黑白混合來得隨意，入口奶香頗為重身；蘋果薑粒茶清新得黎帶點消滯感，暖胃一流。鮑魚蟹膏醬燉飯除咗甜品之外，主食亦都唔錯(⁎⁍̴̛ᴗ⁍̴̛⁎)先讚一下賣相確是相當吸
之前一直戒口，完左整個婚禮之後當然要大食一頓！專登專登預約咗呢一間嘅週末下午茶！
每個甜品都係一口size，精緻得來又夠多元化。而且鹹甜各半，不會偏重其中一種味覺(⁎⁍̴̛ᴗ⁍̴̛⁎)
鹹點
吞拿魚蓉撻、鵝肝醬撻、魚子醬蟹肉、巴瑪火腿芝士忌廉卷均是出色之作。魚子醬蟹肉撻嘅蟹肉裝得滿瀉，份量毫不吝嗇。加上魚醬嘅鹹香，鮮香味道更添一份層次。鵝肝醬好厚身，入口唔腥反帶點油潤。
甜點
泡芙總共有四款口味，小編當日食到嘅：係拖肥、藍莓芝士、朱古力、熱情果、特別欣賞佢裏面嘅餡料好爆滿，只係略嫌外皮稍為淋身，未有一咬即碎的口感；朱古力撻朱古力味非常濃郁，入口滿腔濃甜，撻底好脆！紫薯撻特意放上食用花點綴，口感綿綿的；馬卡龍的薄脆程度相當出色，蛋白杏仁外皮亦都做到帶點煙韌，甜度中上。另外配上的Scone必須用出色來形容，鬆軟得黎不失司康應有的硬口感，面層脆口更帶點牛油香氣，可以搽上紅莓醬和輕盈忌廉，相當滿意。
飲品
甜品套餐亦都包含咗兩杯飲品：竹炭鮮奶咖啡，蘋果薑粒茶。竹炭嘅黑白混合來得隨意，入口奶香頗為重身；蘋果薑粒茶清新得黎帶點消滯感，暖胃一流。
鮑魚蟹膏醬燉飯
除咗甜品之外，主食亦都唔錯(⁎⁍̴̛ᴗ⁍̴̛⁎)先讚一下賣相確是相當吸引，配上蘿蔔絲、荷蘭豆仔、紫薑片嘅點綴。鮑魚預先調好味道，咬落爽口帶甜香，蟹膏醬味道不太突出，反而奶油香頗為濃郁，粒粒米飯都好入味，且口感不太硬身又不滯肚。
餐廳環境貫徹舒適嘅感覺，裝潢簡約，白灰色的格調配上落地大玻璃，令人完全唔捨得離開。
張貼
