影片
更多
2019-08-28
186 瀏覽
一向好鐘意Tony Wong出品，之前經過九龍城見到Sweet Boutique de Tony Wong嘅禮盒好靚，決定中秋前試下佢，喺Openrice見到旺角Moko都有分店，仲方便。佢喺Moko入面嘅帝京酒店入口隔離，要穿過一大堆金舖先到，我都搵左一陣。門面同店內裝修都非常簡約大方，亦好modern，陳列哂唔同種類嘅產品，仲有試食corner。呢塊巨大版蝴蝶酥好吸晴小試牛刀，買左//雜錦曲奇禮盒//同//朱古力爆炸雪茄蛋卷//。//雜錦曲奇禮盒//橙色盒好醒目，一打開會見到一張曲奇紙，介紹九款曲奇口味，仲有支小木棒方便拎起曲奇，好貼心。十六格曲奇好工整咁排開，每款都有唔同裝飾、形狀，第一印象唔錯，用黎送禮都夠哂大方得體。口感有鬆脆亦有似美式曲奇較淋身嘅，牛油味香但唔會過份油膩，甜度亦岩岩好，細細塊可以試好多種味，我最鐘意士多啤梨朱古力曲奇、熱情果占曲奇同抹茶朱古力脆珠曲奇。//朱古力爆炸雪茄蛋卷//有兩層共12條，深啡色造型果然好似雪茄，食落朱古力味極濃，蛋卷皮鬆脆得黎唔會跌到一地餅碎，中間加左少少爆炸糖增加口感，幾有驚喜。果然有一貫Tony Wong嘅水準。臨走見到有月餅賣，賣
佢喺Moko入面嘅帝京酒店入口隔離，要穿過一大堆金舖先到，我都搵左一陣。門面同店內裝修都非常簡約大方，亦好modern，陳列哂唔同種類嘅產品，仲有試食corner。
呢塊巨大版蝴蝶酥好吸晴小試牛刀，買左//雜錦曲奇禮盒//同//朱古力爆炸雪茄蛋卷//。
//雜錦曲奇禮盒//橙色盒好醒目，一打開會見到一張曲奇紙，介紹九款曲奇口味，仲有支小木棒方便拎起曲奇，好貼心。十六格曲奇好工整咁排開，每款都有唔同裝飾、形狀，第一印象唔錯，用黎送禮都夠哂大方得體。
口感有鬆脆亦有似美式曲奇較淋身嘅，牛油味香但唔會過份油膩，甜度亦岩岩好，細細塊可以試好多種味，我最鐘意士多啤梨朱古力曲奇、熱情果占曲奇同抹茶朱古力脆珠曲奇。
//朱古力爆炸雪茄蛋卷//有兩層共12條，深啡色造型果然好似雪茄，食落朱古力味極濃，蛋卷皮鬆脆得黎唔會跌到一地餅碎，中間加左少少爆炸糖增加口感，幾有驚喜。果然有一貫Tony Wong嘅水準。
臨走見到有月餅賣，賣點係用日本稀少糖製造，亦都有月餅加各款曲奇嘅雜錦禮盒，不過今年已經訂左月餅，下次再會。
張貼
