影片
更多
2022-11-03
161 瀏覽
銅鑼灣隱世巴厘 X 法式私房菜 米芝蓮星級廚師主理 ✨同朋友嚟到呢條旺中帶靜嘅街道，之後仲要撳門鐘上樓，一開門見到啲裝飾中西合璧咁，幾有趣。意大利香草麵包香脆，法式brioche軟綿，超級欣賞佢個檸檬牛油，仲要係用香港種植有機樹上熟嘅檸檬，自家製麵包真係食得出心機！🥰Chef Azmi Arialda嘅招牌龍蝦湯帶微微辛辣，用新鮮椰奶代替忌廉，最特別係加咗澳洲有機牛油果蓉同檸檬汁、肉同皮，意想不到咁夾，比平時嘅酸味多幾分，但入口好融和。🦞主菜揀咗慢煮紅酒燉牛臉頰，燉咗36個鐘果然軟腍，再用牛汁紅酒煮汁，所以醬汁都幾香。伴碟嘅薯蓉滑得嚟食得出係比較健康嘅調味，聽店員講佢哋係無落牛油同忌廉嘅，我諗都幾巧功夫。 印象中配菜都整得好香，甘筍同西蘭花仔爽脆好食。另一款法式油封鴨意大利飯，佢唔係脆皮類型，而係醃得入味嘅油封鴨。蕃茄仔都幾juicy，食食吓忽發奇想，配冬蔭公意大利飯都應該幾好食～甜品同朋友分別嗌咗兩款，可以試多啲嘛！蘋果金寶食得多，菠蘿金寶都幾得意，不過都係蘋果夾啲，因為煮過嘅菠蘿有啲太甜了，最估唔到連脆脆都係用自家嘅brioche整。🍍另一款用蘭王蛋整嘅Tiramisu真係第一次食
同朋友嚟到呢條旺中帶靜嘅街道，之後仲要撳門鐘上樓，一開門見到啲裝飾中西合璧咁，幾有趣。意大利香草麵包香脆，法式brioche軟綿，超級欣賞佢個檸檬牛油，仲要係用香港種植有機樹上熟嘅檸檬，自家製麵包真係食得出心機！🥰
Chef Azmi Arialda嘅招牌龍蝦湯帶微微辛辣，用新鮮椰奶代替忌廉，最特別係加咗澳洲有機牛油果蓉同檸檬汁、肉同皮，意想不到咁夾，比平時嘅酸味多幾分，但入口好融和。🦞
主菜揀咗慢煮紅酒燉牛臉頰，燉咗36個鐘果然軟腍，再用牛汁紅酒煮汁，所以醬汁都幾香。伴碟嘅薯蓉滑得嚟食得出係比較健康嘅調味，聽店員講佢哋係無落牛油同忌廉嘅，我諗都幾巧功夫。 印象中配菜都整得好香，甘筍同西蘭花仔爽脆好食。另一款法式油封鴨意大利飯，佢唔係脆皮類型，而係醃得入味嘅油封鴨。蕃茄仔都幾juicy，食食吓忽發奇想，配冬蔭公意大利飯都應該幾好食～
甜品同朋友分別嗌咗兩款，可以試多啲嘛！蘋果金寶食得多，菠蘿金寶都幾得意，不過都係蘋果夾啲，因為煮過嘅菠蘿有啲太甜了，最估唔到連脆脆都係用自家嘅brioche整。🍍
另一款用蘭王蛋整嘅Tiramisu真係第一次食，賣相好吸引，燈光之下好誘人呢，食落口感輕盈，唔會太膩。 最後揀一款自己鍾意嘅法國茶配曲奇，好滿足嘅一餐。
一直好鐘意即場整嘅香蕉煎餅🍌，次次去泰國旅行都會食～好可惜今次試唔到Chef嘅招牌香蕉飛餅，有機會嘅話一定要試吓佢嘅手勢！Le Chefeteria
地址：銅鑼灣新會道4號4樓
張貼
