潮龍園

營業中

休息中

我今日約同好友去位於藍田啟田道50號啟田商場地下1081號舖的潮龍園食粉麵。傳統茶餐廳裝修，坐得舒服。我點左個 五香牛雜河粉 $34，拼鳳城水餃（2隻）＋$8，餐飲係熱奶茶＋$4（跟餐）；好友點左個 崩沙牛腩幼麵$48，拼鮮蝦雲吞（2隻）＋$8；餐飲係熱咖啡＋$4（跟餐）。五香牛雜的材料豐富，有牛肚、牛膀、牛肺、牛腸.... 等等，加左2隻大大鳳城水餃，口感豐富及美味，河粉份量不少，好飽！崩沙牛腩好軟腍入味，有咬囗👍👍，鮮蝦雲吞好味道；熱咖啡香濃，熱奶茶幼滑好飲。