影片
營業時間
今日營業
07:00 - 00:00
星期一至日
07:00 - 00:00
以上資料只供參考, 請與餐廳確認詳情
呢日中午嚟到呢間麵店食午餐，叫咗雲吞豬肉丸麵，$38。呢間嘢我之前都幫襯過好幾次，但無寫食評，呢次係第一次，最深印象係佢哋嘅豬手，非常腍滑，而牛雜嘅湯底就過鹹。講返呢次，其實係想短時間內，趁記憶尚在，比較不久之前起匯景商場食過一粥麵嘅雲吞麵，加上未食過佢哋嘅豬肉丸，所以先至咁樣落單。豬肉丸無咩特別，肉味唔突出，一試無妨；麵無鹼水味，比一粥麵嘅麵好食得多；雲吞要有豬肉，咁先至夠香，但豬肉同蝦嘅比例，根據多名名廚及食家所講，要係3：7，即係豬肉只佔3成，而呢間明顯唔及格，蝦同豬肉係55比，蝦同豬肉各佔一半，而且隻隻係咁，呢方面，一粥麵完勝。所以呢間舖頭，我應該唔會再叫雲吞嚟食，要食靚雲吞嘅話，一定要去傳統廣東麵舖，而唔係潮州麵舖，即係話個湯底用大地魚熬製，而唔係豬骨或魚湯煮嗰隻。
繼續閱讀
「親民貼地既港式食物，除左燒賣以外就牛腩同水餃」小編今次就帶大家黎到藍田，同大家介紹一間平民粉麵 一 潮龍園 🌟鳳城水餃牛腩粉麵 $40水餃幾足料，牛腩亦燘得夠軟腍平平地算幾抵食📍潮龍園地址：藍田啟田商場地下1081號舖#藍田 #潮龍園 #留港消費 #支持小店 #牛腩 #水餃 #覓食藍田 #食在藍田 #鳳城水餃 #藍田食乜好 #為食關注組 #香港美食地圖 #鳳城水餃牛腩粉麵 #九十後行到邊食到邊 #HKIG #HKIGER #HONGKONGFOODIE
繼續閱讀
街坊價價錢，有人情味，去咗幾次姐姐都認得就會問（照舊？）呢啲係啲超大集團唔會俾到嘅人情味今次我食豬肉丸河 ，湯底夠熱（好重要），份量夠大，唔會2啖就冇晒，非常夠飽環境喺呢啲舊式街坊餐廳嚟講，算係好整齊同乾淨同埋開到12點，夜咗收工返到屋企唔使諗食物直接衝去食碗牛腩河
繼續閱讀
很明白現時香港餐飲業不理想，很多香港人假期寧願選擇不在港消費。除了想離開一下這個壓力大的都市外，有時客戶服務的態度和靈活變通都很緊要，如果一間店舖要買人情味，亦即是說很多事情可以靈活變通而非死板或與客人鬥氣。即使是做街坊生意，即使只是一個侍應亦應該保留一種打工應有的態度，我不是第一次惠顧這間雲吞麵，但很坦言有某些阿姐的態度真的十分惡劣，我認為不是真性情，在今時今日的社會早已被淘汰。難怪啲人都不想消費啦，今時今日嘅服務態度咁死板🥲
繼續閱讀
潮龍園藍田啟田道50號啟田商場地下1081號舖經開藍田，老友推介地道潮式粉麵，入去嘆下先。😽崩沙牛腩河粉崩沙腩肉汁豐富，口感煙韌，醃得入味，份量十足，湯底鮮甜，加埋腩汁好惹味，河粉夠滑，香蔥提升層次，湯底畀我飲哂，好味道！😻香脆帶骨魚皮炸得恰到好處，又香又脆，比傳統的炸魚皮出色，鹹度適中，就咁食又得，浸湯食又得，食到停唔到，邪惡推薦！😈熱檸茶檸檬新鮮，茶膽香濃，醒神。😸潮龍園 食材新鮮，平靚正之選，帶骨魚皮正，侍應服務態度好，還會再來。😎🤘🏻
繼續閱讀