珍意泰國菜館 (已結業)

鍾情泰國菜嘅原因可能係都源自珍記呀，話說當年喺藍田駐根 由細食到大，可惜敵不過貴租而結業。事隔多年重出江湖 緊係要黎幫襯下啦 仲要見反以前嘅員工呀，好有親切感本來想食2人餐，好像很抵食，不過適逢假日冇供應， 所以散叫左生菜包、冬蔭公海鮮炒飯、青咖哩雞、蒜蓉包生菜包份量好似少左，但味道仍保持水準。個人覺得冬蔭公海鮮炒飯相當唔錯呀…酸酸辣辣 仲帶點甜，應該係來自蕃茄嘅甜味。海鮮就係好基本嘅魷魚、蝦、蠔豉仔。至於青咖哩雞，我就不建議食喇。。因為雞肉份量少、青咖哩偏咸而且完全沒有椰子味。