Aussie Grill by Outback (已結業)

今日喺葵芳我哋揀咗間澳洲餐廳醫肚，我哋點咗兩樣嘢，感覺薯片唔錯，漢堡同埋豬肋條非常之好食。等我慢慢介紹一下我哋食咗啲咩啦牛肉芝士漢堡包配薯條我覺得佢嘅牛肉芝士漢堡包做得非常之唔錯，有牛肉嘅香味，蔬菜都非常新鮮，每一啖咬落去啲肉汁都係個口腔度，感覺良好。薯條就普普通通啦豬肋骨配薯片豬肋骨非常之好味，啲肉同啲骨係咬個下就即刻分離而且仲好入味，同喺澳洲食真係差唔多 barbecue Sauce同豬肋骨好夾，令到人食完一條又再一條。另外，我哋配咗薯片，個薯片厚度適中，而且即叫即炸，非常之脆口。如果你第一次嚟呢間，一定要揀薯片！！因為薯片好味過薯條好多。