本地薑 (已結業)

朋友係葵芳番工，話有間食薑嘅飯堂都唔錯帶我去試下。心諗食咩薑？？😂但有薑成份嘅野食我都ok的，加上黃店都想支持一下😬佢話之前食碟頭飯，最近就轉左新嘅menu有米線食。🔸招牌薑湯米線 （$32 + 每款配料$7-$12）👑聽落薑湯好似好暖身咁，一試每一啖都有淡淡嘅雞湯底及薑味，當中有少少薑絲配搭一下。個人比較偏重口味，薑湯如果再濃多d就好啦🤣會接受到的。我加左腩肉、鴨血同竹笙，配料都各有三至四舊，算係大方✊🏻腩肉夠肥美入口好似食緊jelly咁，同平時乾爭爭嘅唔同，特別推介鴨血，整得幾入味送米線不錯👍🏼平時食米線都中意配竹笙，用黎吸湯汁係正嘅😬整體覺得配料份量足，要求濃d薑湯味。🔸招牌麻辣米線（$32 + 每款配料$8-$12）👑幾野味！如果重口味就岩哂您喇😀朋友叫左小辣嘅肥牛鴨血米線，邊爐級肥牛大大塊鋪係面頭，厚切大約有4-5片，性價比算高👍🏼She: 如果叫中辣可能會更出色。🔸花雕醉雞捲拼醉蛋 （$55）凍醉蛋味道不錯，想食多幾粒，夠入味的。不過醉雞捲嘅酒味偏淡一點，我喜歡好濃嘅花雕🤣🤣但各花入各眼🔸青檸梳打，薑味梳打（跟餐各+$8）👑前者係保守派實無死嘅青檸梳打，但薑味梳打幾有驚喜！