勝香園

今日去開中環，突然好掛住勝香園嘅蕃茄湯通粉，諗都冇諗就即刻行過去。

可能未到lunch繁忙時間，我一個人去到只等咗五分鐘就有位，真係好彩！坐低就即刻叫咗碗蕃茄鮮牛肉腸仔通粉、牛油檸檬汁蜜糖脆脆，仲有我至愛嘅鹹檸七

食物好快就送到，唔使十分鐘就齊晒。蕃茄湯底濃郁香甜，酸味同鮮味平衡得好好，牛肉新鮮嫩滑，腸仔亦夠香口，通粉吸晒湯汁，每啖都好滋味。脆脆外脆內軟，配上牛油檸檬汁同蜜糖，甜中帶酸，好有層次。鹹檸七就更加係完美配搭

勝香園真係冇令我失望，味道依然咁出色，係中環不可錯過嘅地道滋味！

1