譚仔三哥米線 (置富第一城)

最近出左新湯底「魷嘻蝦-蝦湯米線」就一於試下，揀左魷魚+脆卷+竹笙+10小辣，個湯濃到難入口，成個口都好鹹，每一啖米線都好鹹，魷魚&脆卷係好食，唯獨個湯底，喱間搞到唔好食囉，最後等朋友食完，轉過去用蕃茄湯繼續食，就冇問題。所以新野唔一定係好，除左睇本身個款式之餘，更要睇本身間舖的手法有冇over，有機會都想去第二間試多次新湯底，睇下係咪只係個別分店問題。

友人叫過橋米線，蕃茄湯底，不過不失，而且蕃茄湯除了清湯外都是一個好選擇，酸酸甜甜幾開胃。

蒜泥白肉，鐘意食一定要多蒜，夾埋白肉超級正。