譚仔三哥米線 (置富第一城)

營業中

休息中

最近出左新湯底「魷嘻蝦-蝦湯米線」就一於試下，揀左魷魚+脆卷+竹笙+10小辣，個湯濃到難入口，成個口都好鹹，每一啖米線都好鹹，魷魚&脆卷係好食，唯獨個湯底，喱間搞到唔好食囉，最後等朋友食完，轉過去用蕃茄湯繼續食，就冇問題。所以新野唔一定係好，除左睇本身個款式之餘，更要睇本身間舖的手法有冇over，有機會都想去第二間試多次新湯底，睇下係咪只係個別分店問題。友人叫過橋米線，蕃茄湯底，不過不失，而且蕃茄湯除了清湯外都是一個好選擇，酸酸甜甜幾開胃。蒜泥白肉，鐘意食一定要多蒜，夾埋白肉超級正。

開年第一餐梗係要揀譚仔三哥😍，小熊貓提提大家新一年譚仔三哥嘅手機程式有非常之多優惠券。我哋今次就用咗買滿$140 蚊就減20😙 今次我哋食咗兩款米線🍜普通酸辣米線就非常開胃，辣到適中，就算唔食得辣嘅朋友仔都可以試吓，譚仔嘅鴨血同肥牛不嬲都係鐵膽黎，未試過嘅朋友仔就一定要試吓啦。煳辣口味就有種特別嘅鹹香，令人特別回味，小熊貓就特別鍾意炸醬同龍蝦丸嘅彈牙口感。另外譚仔三哥嘅小食，都係十分之出色，爽口入味嘅手拍青瓜配上重慶口水汁，簡直係絕配，健康之選。仲有尖椒皮蛋都係食得唔停口嘅組合。

今日lunch 喺第一城揀咗食米線~今日叫咗雞肉炸醬同腐皮~炸醬好惹味係必食推介! 今次叫做煳辣，喜歡佢哋嘅胡椒味，好香好惹味～雞肉好腍好好食！今次仲叫咗佢哋嘅小食，落力為你烤豬頸肉同土匪雞翼！推薦烤豬頸肉，係新嘅小食，只要加$18就有都幾抵食，而且肉質好軟熟，好似慢煮咁，好意外咁好食！土匪雞翼就正正常常～今次仲試咗佢新嘅嘢飲，鹹檸梳打，不過唔夠鹹檸味可能要篤爛晒先得，同埋有啲甜得滯，梳打有啲唔夠氣！

平時喺馬鞍山食開譚仔，喺呢間餐廳食，譚仔嘅質素有啲唔同！同樣係蕃茄湯10小辣，但係呢一間嘅味道非常之重，而且食一啲都唔辣㗎喎湯底好鹹，所以浸住嘅配料都好鹹其他嘢就同平時差唔多，都係差唔多嘅份量，每款丸得一粒就覺得唔係幾夠喉啦豬膶好味呀！不過同平時一樣份量少，牛肉雞肉同埋豬肉片就唔錯份量，都係同平時一樣只係個湯底比較弱，好濃郁但係太鹹姐，韭菜底但係份量好似不是太多加咗個白灼生菜，但係都係份量少$18一份有啲唔值得但係想食多啲菜其餘食物都正正常常，因為我哋係下午茶嗰啲時間嚟食，等咗一陣就有位同埋啲位就冇咁迫，見到頭先啱啱走嗰啲食午餐嘅工作人要坐得超迫，四個人坐一張正方枱服務正常啦

中午1時左右光顧，門口拿籌機自取等位，等了約5分鐘便有位。過橋米線用料一如以往的充足及多款式，還有貴價材料如竹笙及炸醬等，只需$56，真的超值。青蘋果檸檬梳打新口味，只需加$6便可以增購。第一口的味道真的有點像藥水味，多喝數口才變成正常青蘋果味……土匪雞翼招牌菜，叫大份較化算，只需$32便有5隻熱噴噴熱辣辣的雞翼佐菜，三哥必點小吃之一👍位置寬敞，上菜速度正常，店員有禮

總有一間譚仔三哥在左近，所以唔想煮飯就會落街買返碗🍜~呢排見到新推出黑白辛椒式🌶️【煳椒肉骨湯米線】煳辣湯底 + 新加坡肉骨茶，有丁香、肉桂同原粒獨子蒜🧄等香料熬製，配黑胡椒豬扒，五小辣黎講又唔算好辣，易入口，啖啖都有肉骨茶香，唔想晒湯底，將油炸鬼索晒D湯，爽！另外一提個白木耳口感都幾得意😋同黑木耳口感唔同，未試過可以一試~【清爽脆豬皮】平時少食豬皮，但呢個小食同雲耳拌上自家秘製芥辣汁，口感幾得意、爽口，幾香而不膩，一咬「爽」！【鳳梨乳酸梳打🍹】香甜菠蘿加果味乳酸，仲有果肉鳳梨片！呢個都幾夠晒夏日清爽，解辣又開胃，要抓住夏天的尾巴！搭埋上兩椒一齊食，都咪話唔爽！

平時都係喺呢間買外賣，試過有咩問題，今晚買個好友生菜返去，食到中途發現有好大條蟲，再睇真啲唔係蟲，係好大條蚯蚓！好粗好大條！真係嚇到我呆咗。本身都唔想即刻放上黎公審佢，我打去舖頭，佢話幫我換一個菜，唔通我又咁食，我點知入邊仲有冇其他蟲，蚯蚓，曱甴。好明顯係一啲都冇洗過，呢樣我都知，但係蚯蚓真係誇張咗！唔係換返個菜俾我，亦都唔係俾錢我就解決到呢個問題，係要比大家知道佢嘅質素同埋衛生情況，仲要係有問題嘅處理都極差！

＄34一碗米線包一個＄5餸，＄6以上要另加差額，除左清湯，其餘湯底都要加＄1至＄2🍜叫左一碗牛肉清湯米線及中麻辣豬膶米線，牛肉大細不一，大概有8至9舊，韌口難咬，不過好過食啲有鬆肉粉醃到淋pat pat嘅牛肉；豬膶亦係大細不一，大概有7至8舊，粉淋及無腥味；中麻辣唔算太辣🤔，米線爽口彈牙， 每碗米線都會附上腐皮、韭菜及芽菜，不過份量好似少過以前🤔， 但係米線嘅份量都keep到大大碗😄員工服務態度可以，環境光猛，清潔度都ok魚堅總評性價比 3.5👍(以5👍為滿分)

呢間平時經過都見到人手好明顯不足夠，今次我到咗店舖，明明見到入邊有位，但係個票號又顯示仲有4個先到我，門口又有好多人企咗喺度，於是令我覺得啲人真係等緊入去。等咗差唔多10幾分鐘，個三哥姐姐先同我講原來係冇人等緊堂食…可能佢有印象我拎過票，所以就直接問我係唔係一位入嚟食…真係又愛又恨🥲🥲🥲愛，當然係幾記得我有撳過票；恨，再一次證明人手真係非常不足夠，令我嘥咗10幾分鐘。去三哥一定要食墨丸，所以就叫咗兩份墨丸加一份雞肉，麻辣小辣，再加細土匪。雖然我有一年冇食，但係好肯定土肥雞翼嘅質素差咗..1.細隻咗（而且每隻大細都唔一樣，差距好極端，影相可能影得唔清楚，但係厚度係差好遠）2.d味好似死味（好強烈嘅味精，冇以前咁真實，當然我都有一年無食，印象可能有啲分別）米線🍜都仲算係保持一貫水準，只係感覺小辣好似唔算太辣…希望只係我食辣既程度勁咗吧…而唔係佢哋偷工減料🥲⋯⋯（之前食開5小辣）。

挑戰🍜 我... 失敗左😆忙住執屋搬 無開爐煮飯👦🏻👩🏻話要去 #譚仔三哥米線 食米線+土匪雞翼 👩🏻見到有鴨血就諗住試下點知無為以仲有前面嗰幾個字 #水煮魚 🤣結果我夾走啲鴨血同👨🏻交換碗米線食 今次order左 水煮魚鴨血米線 +竹笙 $39+$7👨🏻話水煮鴨血米線 湯底辛辣不麻 鴨血彈滑又唔會有血腥味豆卜吸哂啲湯汁 🌶 辣得好過癮 🔥下次我會再黎食 😆 不過湯底要轉清湯 土匪雞翼 唔駛講 一樣咁好味😋

譚仔三哥🤓基本上係由細食到大，因為我好鍾意食米線，而且佢區區都有分店，想幾時食都得，食到慣晒🤣可惜嘅係，我覺得三哥愈做愈越差，特別係第一城呢一間分店🧐🧐🧐我住附近，成日都會外賣自取或者係送外賣速遞。佢唔單止野食份量越來越少，試過啲麵餅送到時，已經成Pat野咁，浸咗好耐湯都散唔開。有時嗌雞肉，成碗麵撈來撈去，去都係得幾條雞肉，都咪話唔嬲。今次面餅狀況仍然一樣，不過太肚餓所以無影到就食咗😅😅😅希望譚仔三哥可以認真改善一下🧐

政府規定6點後不準堂食，我們用跑的前往譚仔三哥米線（第一城分店），趕去食飯，剛好在截單前分鐘到達，職員就拒絕我們下單，說17:30分就截單，但問題是現在還未到30分，他們就提早截單，我們也是會6點前離座，那設定截單時間的作用是什麼？明白他們要遵守六點後禁堂食的安排，大家都是，可是第一城的職員態度惡劣，無理地拒絕食客下單，明明說是17:30才截單。一直都很喜歡譚仔三哥，但今次對於這間大公司（第一城分店）的安排十分失望。

食外賣食到要忍唔住再煮都係第一次，d米線硬到似食橡筋。食過間分店4次，得一次係正常硬度。果次係未轉分湯既外賣盒，之前係分店堂食又係好鬼硬同唔入味，咁硬就緊係唔入味。今次硬到要開爐再煮下d米線，唔係唔熟唔過骨，但只係岩岩夠熟。客唔算多，下午茶兩三點，廚房趕咩呢？堂食果次中要半吉添，諗唔明點解d米線煮咁短時間。🙂其他分店食過都正正常常。同埋比飲管同吉檸檬既匙羹，但又唔比餐具，係咩玩法？好在我唔係係公司食姐。

Lunchtime 永遠都係禁多人😭疫情下都叫多咗好多人等拎外賣，先等嘅時間縮短咗！我哋叫咗先頭部隊早10分鐘去拎位，都等咗成15分鐘先有得入🤭不過可能加埋每枱只可以坐4個人，就要等得再耐啲我地一人一碗米線再加3個小食🤣🤣飽到呢！！新嘅小食，麻麻地，係蒜香茄子！茄子好淋但吾重蒜味！似係就禁放啲蒜係面，但價錢就還好嘅😂小食黎講，最鍾意都係蒜泥白肉😍重口味之選！啲蒜蓉係足夠我臭足兩日😂食完會比人嚴棄！但真係好正！

因為武漢肺炎疫情下，已盡量減少外出用膳，留在家中煮食。今日剛巧外出工作，路過第一城嘅譚仔三哥，睇到門口張廣告都好吸引，就去外賣自取一個三餸米線，加杯凍飲同小食都分別係$50 同$48，價錢確係比平時優惠。不過真係無諗過14:03落單比錢，最終要到14:43先有外賣，足足等左40分鐘先攞到外賣，期間出單又混亂，不是順序叫，叫到24X號都未有22X號，其他人客問職員點解唔係順出單，職員只係重複講今天外賣多。但係堂食人客已唔滿，比以前少人，加上已是兩點幾並非繁忙食飯時間，要等成40分鐘，真係唔能夠接受。講番食物，個米線成個餅咁(只是步得10分鐘回到家🤦🏻‍♂️）。貢丸唔爽口，無味🤦🏻‍♂️失敗。皮蛋同豬脷無特別。跟餐的凍檸茶，茶底差，好鞋口，無乜茶味