LM Cafe (已結業)

做完運動先食晚餐，本以為工廠區過左office hour就無乜野食，點知行返去mtr 見到間店又唔錯光猛又新，見食物有常餐意粉飯，都只係五六十元起，同友人一起光顧。出完一身汗超餓，要攝取更多先，好快就點左份黑松露意粉，加入黑松露醬一上碟陣香氣就傳入鼻，意粉落了很多蘑菇片，意粉質地也適中，不太硬亦唔大軟，白汁沾滿每條意粉，入口覺得好滑好rich。牛油帶子炒意粉亦好重牛油香，炒過的意粉彈牙已有落調味，食得出牛油香在意粉上，微焦蒜片魅力在於香卜上，帶子又幾厚肉。芝士西蘭香好多白汁，芝士拉到絲好開心。焗得比較腍身。瑞士雞翼入味，甜中帶豉油香，肉也嫩嫩的很好味，一客有4隻先賣20元很實惠。waffle上至雪糕waffle下至生果同醬同可以自選。窩夫重空氣感同鬆軟，中間好似食緊蛋糕咁面層就脆脆地，整體亦唔會乾淨淨。藍莓大粒飽滿，球綠茶雪糕帶淡淡茶甘，估唔到有甜品食已值得讚，味道還不俗，有4大塊好飽。太好味又相宜，頭先消耗了又吸引返，仲要超量吸收，只好明天調節一下份量啦。真的是蔗渣價錢，燒鵝味道。