麻市滋味館 (已結業)

店舖位置有少少難搵，不過現今科技，有google就得啦。酒香鴨舌酒味絕對有，青瓜好爽口，同夠凍！條魚就必叫，師傅技術超高，蒸得剛剛好，超滑，絕對夠新鮮！家鄉大盆菜，有少少辣，椰菜花較爽口入晒味！必叫！！乳鴿即炸出嚟，夠熱好碎！魚子醬焗蠔，蠔超大隻啖啖肉，粉唔會太過份，再加埋大量魚子醬，絕配！牛肉湯唔會太咸，好好飲。黃金椒鹽鮮尤，好好食，好多蛋黃，但唯一美中不足係係唔夠碎。貴妃雞，雞肉好滑，唔鞋！好好食。