濠客蒸氣海鮮 (已結業)

好耐都冇入嚟屯門元朗呢邊，咁岩今日喺呢度有嘢做，就順便食埋晚飯啦。唔打唔撞之下嚟到呢間蒸氣火鍋，價錢都尚可接受，我哋揀咗298一位嘅套餐，入邊包左幾款海鮮，有龍蝦啦，帶子喇， 鮑魚，貴妃等等。嚟到先會上咗個南瓜粥底先， 其實除咗食海鮮之外， 我最鍾意就係食蒸完海鮮之後嘅粥底喇，啲精華流晒落去啲粥嗰度，啲粥真係好鮮甜㗎。講番啲海鮮先，海鮮之中我最鍾意食奄仔蟹，雖然我今日呢一隻唔係話太多膏，不過都算幾新鮮，食完回味無窮。