影片
更多
2016-12-29
264 瀏覽
雖然蒸氣火鍋已經流行左一段時間，但對於第一次食既我黎講都係覺得好有新鮮感。今次就唔散叫喇，試下呢個任飲任食任飲海鮮餐，即係除左海鮮係限量提供，其他野都可以放題咁任食，都幾吸引。一黎就係餐附送既乳鴨，每人有半隻，上枱仲熱辣辣，燒到皮脆肉嫩，不過調味就重手左少少，鹹左d。自選海鮮每人一隻，我地揀左大元貝、鮑魚、象拔蚌同蟶子皇，有蒜蓉做調味，味道鮮甜，加埋粉絲索晒味，蟶子皇仲好大隻啖啖肉，而象拔蚌就幾爽口，鮑魚都蒸得啱啱好，夠嫩滑。貝殼盛盆係個餐送既，有幾種唔同既貝類，我諗係沙白或蜆之類，唔好意思淨係識食唔太識分，肉唔多但味甜，而且洗得乾淨冇沙。龍蝦都係餐送既，每人有半隻，唔會因為送既就質素唔好，食得出係新鮮，而且肉質彈牙爽口。跟住就係任叫既食物，叫左手打蝦丸、梅菜豬肉丸、鮮牛丸、百花釀冬菇、豬頸肉、蟲草花清遠雞，其實我本身以為食蒸氣火鍋會好淡味，但食物作簡單調味都醃得好入味，而且食到食材本身既鮮味，我就特別鍾意爽口既豬頸肉。然後叫左d蔬菜，有南瓜、粟米同雜菜籃，冇加任何調味就咁原汁原味食，好清甜。食到尾已經好飽，不過一定唔可以錯過呢煲精華！排骨南瓜粥係一開始就放係底到煮，吸收晒頭先所有海鮮
雖然蒸氣火鍋已經流行左一段時間，但對於第一次食既我黎講都係覺得好有新鮮感。今次就唔散叫喇，試下呢個任飲任食任飲海鮮餐，即係除左海鮮係限量提供，其他野都可以放題咁任食，都幾吸引。
一黎就係餐附送既乳鴨，每人有半隻，上枱仲熱辣辣，燒到皮脆肉嫩，不過調味就重手左少少，鹹左d。
自選海鮮每人一隻，我地揀左大元貝、鮑魚、象拔蚌同蟶子皇，有蒜蓉做調味，味道鮮甜，加埋粉絲索晒味，蟶子皇仲好大隻啖啖肉，而象拔蚌就幾爽口，鮑魚都蒸得啱啱好，夠嫩滑。
貝殼盛盆係個餐送既，有幾種唔同既貝類，我諗係沙白或蜆之類，唔好意思淨係識食唔太識分，肉唔多但味甜，而且洗得乾淨冇沙。
龍蝦都係餐送既，每人有半隻，唔會因為送既就質素唔好，食得出係新鮮，而且肉質彈牙爽口。
跟住就係任叫既食物，叫左手打蝦丸、梅菜豬肉丸、鮮牛丸、百花釀冬菇、豬頸肉、蟲草花清遠雞，其實我本身以為食蒸氣火鍋會好淡味，但食物作簡單調味都醃得好入味，而且食到食材本身既鮮味，我就特別鍾意爽口既豬頸肉。
然後叫左d蔬菜，有南瓜、粟米同雜菜籃，冇加任何調味就咁原汁原味食，好清甜。
食到尾已經好飽，不過一定唔可以錯過呢煲精華！排骨南瓜粥係一開始就放係底到煮，吸收晒頭先所有海鮮、肉同蔬菜既精華，就算咩調味都冇落，味道已經非常鮮甜濃郁，真係好正，我自己都食左三碗。最後值得一讚係會有專人服務，幫你放食物落鍋較時間，一蒸好就即刻過黎幫你分食物，而且姐姐都好nice，見我想影相就比時間我影。
張貼
