蒲頭島 (已結業)

今日天氣又凍咗，突然好想去打邊爐，經過蒲頭島望落唔錯就入去食。依杯係welcome drink無酒精的 係甜甜地嘅果汁😋我地叫咗個鴛鴦湯底，一邊係西班牙海鮮湯 另一邊係蟹肉冬瓜蓉湯。西班牙海鮮湯湯底好足料，飲落淡淡蕃茄味 酸酸甜甜帶有鮮味，比平時啲蕃茄湯底嘅味道更加多層次。蟹肉冬瓜蓉湯好清甜，味道好健康，一啲腥味都無，打邊爐唔想咁油膩，叫依個湯岩岩好。等個湯滾嘅同時我就出去拎醬料，醬汁款式好多 同埋好特別，有幾款係出面未見過，應該是自家製😋。雖然係任食火鍋，但肉質都唔錯喎。牛腱肉好嫩滑，脂肪唔算特別多，但分部均勻，啖啖都係牛肉香味。豬肉片都好軟嫩，一啲都唔柴皮，肉味重。仲叫咗油炸鬼，好脆口一啲都唔油膩。墨魚滑同蝦滑，食落有少少粒狀蝦肉係入面，好彈牙。蝦好大隻鮮味，肉質彈牙而且唔霉。鯇魚新鮮，一啲都唔腥。雞子你睇吓幾大粒，唔腥仲好juicy添。仲有生菜，無一塊係爛仲要色澤翠綠👍🏻飲品櫃，任飲任揀。埋單都係200零蚊一個人，仲要質素唔差，依個價錢好值啊。