影片
更多
2021-09-07
46 瀏覽
本地薑🌵🙈我實在好耐無食過米線，平時就食開三哥個d，但其實食黎食去都係個個湯底，有d悶，今次就揀左尼間黎試下，一開始以為本地薑純粹係佢地個名，但原來佢地既特色係有薑湯選擇，真係第一次見，我朋友就話佢地尼排改左新menu。🐣濃雞湯竹笙手撕雞雞卷粉絲米粉雞湯濃郁鮮味。用料仲好足，有好多唔同既配料。男仔食既話就一定足，我個fd都食唔曬。米粉同粉絲彈牙索湯。最鍾意係雞卷，帶有酒香味，肉質仲唔錯，值得一試！💁🏻♀️阿娘四寶米線 （紫菜，墨丸，牛丸，魚皮餃）間唔中都想食下清淡d既米線，尼個真係幾唔錯。我特別鍾意米線入面加紫菜，成個湯都會好香，好健康既感覺。原來佢地既米線真係煮得幾好，好滑溜，又夠彈牙。😋鹵水拼盤（大腸，豬肚，牛展，雞中翼）真係夠曬足料，兩個人都食唔曬🤣大腸完全無異味，都得好少脂肪，滷得好入味。豬肚煮得好軟嫩，亦好入味。牛展都好多下，味道好濃郁，醬汁有少少甜味。雞翼都好好味，大大隻。所以真系建議2-3個人share🍨黑牛佢地都有好多特色飲品，我就叫左一杯黑牛。其實就系一杯可樂加一球雪糕。其實仲有其它汽水同雪糕配搭可以試下架！🐟炸魚肉質都唔錯，都幾新鮮，出面薄薄一層炸衣，但系好脆。雖然
🙈我實在好耐無食過米線，平時就食開三哥個d，但其實食黎食去都係個個湯底，有d悶，今次就揀左尼間黎試下，一開始以為本地薑純粹係佢地個名，但原來佢地既特色係有薑湯選擇，真係第一次見，我朋友就話佢地尼排改左新menu。
🐣濃雞湯竹笙手撕雞雞卷粉絲米粉
雞湯濃郁鮮味。用料仲好足，有好多唔同既配料。男仔食既話就一定足，我個fd都食唔曬。米粉同粉絲彈牙索湯。最鍾意係雞卷，帶有酒香味，肉質仲唔錯，值得一試！
💁🏻♀️阿娘四寶米線 （紫菜，墨丸，牛丸，魚皮餃）
間唔中都想食下清淡d既米線，尼個真係幾唔錯。我特別鍾意米線入面加紫菜，成個湯都會好香，好健康既感覺。原來佢地既米線真係煮得幾好，好滑溜，又夠彈牙。
😋鹵水拼盤（大腸，豬肚，牛展，雞中翼）
真係夠曬足料，兩個人都食唔曬🤣大腸完全無異味，都得好少脂肪，滷得好入味。豬肚煮得好軟嫩，亦好入味。牛展都好多下，味道好濃郁，醬汁有少少甜味。雞翼都好好味，大大隻。所以真系建議2-3個人share
🍨黑牛
佢地都有好多特色飲品，我就叫左一杯黑牛。其實就系一杯可樂加一球雪糕。其實仲有其它汽水同雪糕配搭可以試下架！
🐟炸魚
肉質都唔錯，都幾新鮮，出面薄薄一層炸衣，但系好脆。雖然成條炸魚上，但其實都好易挑到骨。
張貼
