宇鮨日料 (已結業)

葵星中心係我住過的地方，而朋友就住寶星嘅，我已經搬走而佢依然住喺寶星，呢日嚟探佢，佢就帶我嚟咗呢間日式小店，係我住嗰陣時仲未有嘅。聽講啲刺身唔錯，由我拍板嗌咗3樣刺身：特盛北寄貝，日本石蛸(八爪 魚）和原隻活赤貝，北寄貝不嬲都鍾意食，好少會錯嘅；八爪魚感覺超新鮮，亦知多咗個名，就係叫石蛸；成隻活赤貝好大隻都係新鮮嘅，啲肉都好鮮甜，唔係周週都有好得食嘅，唔錯。“唐揚三文魚頭” 對於鍾意食魚嘅朋友確實好好，啲表皮炸到香脆差唔多可以食曬落肚，咁入面啲肉就好鮮嫩，好juice。“玉子鳗魚丼”有喜歡的鰻魚，質地亦幾好，又可以飽肚，正。“三文鱼定食” 有齊花之戀，三文魚壽司，炙燒壽司，炙燒魚鮨壽司同埋三文魚加州卷，豐富得來價錢又超級抵。