又一戟 (已結業)

📍  又一戟🗓️ 15 June 2023呢間pancake店由我細個開始已經非常出名，長期有人龍排隊，所以我只係食過一次。之前試過咸牛肉味班戟，今次想試吓甜味嘅。呢到有好多味揀，有少少花多眼亂，我當時都有啲擔心，因為網上好多評語話佢哋好惡，不過當日見到嘅職員都好有禮貌。我最後選擇叫焦糖燉蛋雪糕班戟，同叫咗少忌廉。10分鐘左右就有得拎喇。🍴  法式焦糖燉蛋雪糕班戟 $45首先一見到個外型已經好有食慾，脆嘅焦糖同綿綿燉蛋真係好正。再食落去就係雪糕，我揀咗椰子味，都幾夾。班戟入面仲有啲木糠粉，而我叫咗少忌廉對我嚟講啱啱好～ 好滿足。不過提醒一句，食嘅時候要小心，因為食到底嘅時候可能會有啲狼狽(當然可能因為我冇乜經驗)。我建議拎定紙巾/濕紙巾，或者喺一個定點到食。