真‧章魚無雙 (已搬遷) 新店位置

雖然黎過葵廣N次，但我食來食去都係某幾間，而且年紀愈大，食得愈少，大腦控制自己要節制，唔好浪費。今次試左布丁燒外，仲食左呢間真章魚無雙，食店位於2樓，小小鋪位，假日都有少量人等候中，即點即製，我地等左十零分鐘主打章魚燒，多款口味，例如原味、蔥、咖喱、蜜糖芥茉、明太子、櫻花蝦、芝士、蟹膏、黑松露、沙律蛋，定價$27-39，分6/8粒，雙拼加兩蚊。仲有一款巨型章魚燒、冷烏冬。蟹籽、激蔥章魚燒 $32/6粒蔥平過蟹籽，雙拼仲要加兩蚊，話平唔平啦，8粒就抵啲嘅。章魚燒即時製作，一口份量，賣相唔錯，幾繽紛。燒起加入蟹籽、蔥粒、木魚絲。醬汁量多，外頭唔脆，裡頭唔會好熱，可以直接成粒放入口，有少許粉感。每粒章魚燒都會有粒烚熟八爪魚，冇乜調味。我鐘意口感豐富啲，揀左蔥、蟹籽，脆卜卜略鹹，叫可以一試。