真‧章魚無雙

呢間章魚無雙未搬鋪位前係我排行第一既章魚燒店 🐙當時都好受歡迎，好多like, 朋友同我都大讚 ，唔知點解搬咗舖位，水準可以咁大落差，簡直壞左個招牌😢 💔從前望落外觀，都係粒粒飽滿外皮脆、而且內軟、味道濃郁，好多配料 ，大家一食都會讚不絕口而家一望個樣，細粒哂、仲要個樣謝哂皮🥀🥀外皮淋、仲要有啲散 。我都好耐冇食過咁既口感章魚燒，由最好變成咁差，我覺得佢地糟蹋咗呢個招牌 。唯一感覺相似嘅係佢既材料味道（可能食材用料來貨如前）但人工手法真係兩回事 。點解會攪成咁？服務態度麻麻、仲要感覺冇心整 。只能講好可惜，可唔可以比返以前既味道我😢😭💔💔💔🔽一睇個樣都覺得驚訝，同以前兩回事，而家連個球體都望得唔清楚，縮水又淋哂😔…查看更多

云云口味中，小妹特別偏愛蜜糖芥末味，章魚燒外脆內軟，圓圓金黃外層、內裡係章魚粒，章魚粒嚼勁，小丸子軟糯，配上蜜糖芥末醬，再撒上柴魚片和海苔粉，飄動嘅柴魚花，同時滿足了視覺和味覺😚😋。…查看更多

有次去掃街，門口無寫幾點關門，職員又有望下我，咁我咪揀野食囉到我開聲落單: 唔該我要…職員: 收左工喇喎！！你明知我同朋友揀緊野食，你又見到，你唔早啲講: 唔好意思啊，我地收左舖喇咁講我都gur啲吖！我唔明你啲職員咁串係咩事囉…查看更多

並唔係第一次幫襯，已經幫襯過幾間分店 （太安樓，旺角，葵廣2樓舊分店等等）唔少次，但今次幫襯葵廣3/F 新分店嘅經歷，可以話係極度失望落單叫咗明太子併櫻花蝦章魚燒8粒雙併，但攞餐嘅時候發現只有其中一半係明太子，但係另一半一隻櫻花蝦都冇，於是告知戴眼鏡扎馬尾嘅收銀女職員，收銀女職員通知廚房粉紅色頭髮女職員，佢哋兩個並冇為自己嘅甩漏道歉，並只係求其灑了幾粒櫻花蝦，但求打發我哋走由於份量極端地少，同我哋以前食過嘅大相逕庭，於是我哋再次反映，粉紅色頭髮廚房女職員聽後就攞入廚房，但係原封不動攞返出嚟(或者可能加多咗一兩粒)，然後就話係得咁多！我哋表示你咁樣即係無加過，但粉紅色頭髮廚房女職員回應話就係得咁多！公道地講，食品質素保持到，但是服務態度極其惡劣，決定以後都唔會再幫襯，亦奉勸各位唔好幫襯，俾錢買難受！葵廣中心有好多唔同嘅選擇，章魚燒亦都唔止得呢一間，喺云云競爭對手中如果維持住咁垃圾嘅服務質素，真係祝你好運！…查看更多

🧄 葵芳篇·蔥蛋雙拼系列💚 小食簡評：蔥香沙律蛋章魚燒，濃厚又滿足！放工後同老婆行過葵芳，見到間小店有雙拼章魚燒，貪得意試吓「沙律蛋＋蔥」組合。出面香噴噴，咬落去外脆內煙韌，蛋香加蔥香又唔會膩，食完一盒即刻有返童年行街邊食小食嘅感覺🥹🍴餐廳資料：店名📍：真．章魚無雙（葵涌廣場）地址📍：葵芳葵富路7–11號葵涌廣場3樓301D號鋪（葵芳站D出口）日期📅：2025年7月6日消費💰：$41🍽️ 餐點：•沙律蛋章魚燒（8粒）•配搭：蔥＋沙律蛋雙拼款式💑 情侶位推薦指數：🌕🌕🌕🌗🌑想拍拖行商場邊食邊玩夾公仔？呢度正！…查看更多