亞蘇爾 (形點) (已結業)

係Yoho 行咗陣街見肚餓，無意中見到喱間有葡撻賣，口痕想食葡撻，加上之前聽友人講食過喱間分店，聽說不錯，就入去試試。叫了一碟小食-辣豬耳沙律，係地道既葡式前菜。豬耳口感爽滑，不韌，配以橄欖，橄欖油，白醋，沙律菜等，非常開胃。咖哩牛坑腩配白飯，較多肉和滑，軟稔入味。咖喱汁微辣，比較水，冇杰撻撻。除咗原味葡撻之外，都試下佢啲fusion 葡撻，叫左一種咖啡，另外北海道3.6牛乳薑汁蛋白，熱辣辣上枱，垂涎三尺。咬落去皮鬆脆香口，蛋香味濃郁，咖啡味沒有蓋過蛋味，甜度適中，姜汁蛋白既撻反而似平時糖水舖食燉蛋咁，只不過多咗層脆皮係外圍。