藍鳥葡國餐廳

營業中

休息中

今日放假去咗沙田禾輋探老朋友，到咗晚飯時候遇著橫風橫雨，佢就留我食飯，重請我落商場嘅藍鳥萄國餐廳食，好耐都冇去過屋邨商場，比起之前原來已經煥然一新，餐廳裝修得好時尚，地方夠大又整潔。叫咗兩個餐，奉送紅或白湯，我哋揀咗白湯，椰菜花忌廉湯好濃郁的，口感creamy。套餐亦包指定飲品，也可加錢轉特飲。紅豆冰，紅豆大粒得嚟又起沙，質地軟腍，甜度適中，奶味香濃，冰凍香滑。 脆皮德國鹹豬手，即叫即做，德國咸豬手的做法與中式的燒肉十分類近，豬手已經去骨，食落啖啖肉，而豬手的肉質夠味夠嫩滑，外皮薄脆到近乎似乳豬皮，入口卜卜脆，完全唔會有肥膩感。東望洋芝士鮮茄豬扒焗飯：熱騰騰的焗飯上檯已經香氣四溢。鋪在面層的芝士已融化，夾起一塊沾滿鮮茄汁的豬扒，拉出芝士絲，急不及待放進口裏，香口鬆軟的豬扒夾着肉汁，配搭番茄更妙，酸勁剛好平衡了油膩感。撥開豬扒，墊底的炒飯夾雜蛋絲，混合汁醬讓人一口接一口，真的太滿足了。