藍鳥葡國餐廳

營業中

休息中

我平時都有同屋企人過去食飯，昨晚我同老公兩個去食晚飯，等咗半個鐘頭先至有得食都算啦，我老公用支付寶俾錢跟住出門口，我回頭唔見咗我老公，原來個職員話支付寶過唔到數，叫我老公返去，我入到去嗰陣佢屈我老公話我老公撳咗支付寶過數即刻熄咗數據，所以佢舖頭收唔到錢，但係我老公手機顯示我哋已經過咗數，佢喺舖頭入邊大大聲話我哋冇俾錢，當時入邊都有好多客人，最離譜係佢同我老公講認得我老公上一次食嘢都係冇俾錢，都係扮嘢用支付寶俾錢跟住熄咗啲數據，叫我老公再俾錢，我老公拒絕！因為事實上我老公真係俾咗錢，我哋就叫佢報警。跟住舖頭負責人返到嚟，同我老公了解左件事之後，再check咗佢嘅銀行戶口已經收到我老公嘅錢，老闆同我老公講對唔住，其實舖頭嘅數據有延誤，但係個職員唔應該未搞清楚件事之前，就大大聲同店內其他客人講話我哋冇俾，仲要話認得我老公上次都係用同一手法冇俾錢。老闆證明已經收到我哋嘅錢之後，佢先至同我老公講對唔住。但係之前嘅態度非常之差同囂張，佢話好肯定認得我老公之前係冇俾過錢。我老公就話件事搞清楚就算，基於佢喺現場咁樣侮辱我哋，所以我決定以後都唔會再幫襯佢！

成日經過都無食過，呢日心血來潮第一次入去食個lunch呢度比較先進 用qr code落單嘅，但咁啱我哋被安排係一個入啲嘅轉角位，我由頭到尾都收唔到訊號，然後餐廳入面又冇wi-fi, 呢個位有啲kik後尾我哋見隔離枱走咗，我哋就直接換位坐咗過去，d staff 由頭到尾都好好人，全程好好招呼，都好有禮貌但我叫咗個葡國雞飯 就真係伏到唔識講佢個menu其實都好多嘢揀嘅但我見佢標榜係葡國餐廳所以就心郁叫咗個葡國雞焗飯，諗住差極有限，點知上到黎 先知原來佢係分開咗只有葡國雞拎去焗，飯就只係一碟白飯咁直接上，唔夠熱最慘係個葡國汁，從未食過咁難食，基本上只到淡咗嘅椰汁味，隻雞無味，叫做唔算好鞋/好肥，但真係一啲雞味都無，我自問要求算低，但呢個葡國雞真係不可一不可再......另外因為佢內部裝修可能為咗靚，用咗好多磁磚砌啲藍色雀出嚟，啲聲係咁反彈，成餐飯都嘈到不得了，雖則啲人講嘢唔係特別大聲，但下次都係去返對面靜靜哋食個安樂茶飯好過

平日約左屋企人喺沙田食飯，由於新城市D餐廳價位較高，所以行遠少少去禾輋商場，呢邊較多平民餐廳。今次試葡式餐廳，晚餐包湯或餐飲、無加一、自助落單同斟水。上菜快，食物份量大，性價比幾高。馬介休炸薯球$58/6件話明葡式餐廳，又點少得呢款經典小食呢?!😏 馬介休球新鮮炸出嚟，外脆內有一絲絲鱈魚同薯蓉，食落味道唔錯。東望洋芝士鮮茄焗豬扒飯$60炒飯底，豬扒厚薄適中，肉質唔韌，屋企人好中意。不過，個茄汁偏甜，所以整體我麻麻地😅。脆皮鹹豬手配薯條$108豬手如其名，豬皮食落似食緊薯片咁脆!! 😋膠質好高，好痴嘴唇😆 豬手本身唔係好鹹，唔點醬汁可以食到原味。薯條係熱辣辣炸出嚟，整體唔錯。BBQ醬烤豬肋骨配薯條$82豬肋骨份量唔少，有兩排骨!! 如果喺其他餐廳食，一定過百蚊!! 不過BBQ醬唔係英式/美式口味，味道偏向中式燒味。肋骨無煮到骨肉分離，食落依然有肉嘅口感。香煎紐西蘭牛扒配薯菜$68本身對呢個價位嘅牛扒無期望，切落要用少少力度，加上見到全熟，已經做好心理準備。點知，食落又唔差喎!!?😮 牛扒居然食得到牛味之餘，入口唔會好韌，亦無梳打粉怪味!! 食得過喎!!😏係個薯差D，普通烚薯仔😅餐湯有紅或

上次黎呢個商場食過其他野，今次就試下呢間葡國平民餐廳啦。葡汁吉列炸魚柳意大利麵 $59吉列魚柳超大條，而且金黃外層炸粉薄脆，魚肉肉質嫩滑Juicy🐟配埋葡汁都幾滋味💛意粉本身有少少蒜香味，幾香口露絲瑪莉慢烤羊架 配 意粉 $136烤羊架都幾大塊有3件，羊味十足，煎得表面焦香，煎得偏熟不過肉質都幾軟腍，羊脂和羊肉比例剛好，唔會太油膩🐏 醬汁有得揀黑椒汁、牛骨汁同咖喱汁，今次揀左黑椒汁，香而不辣，好惹味👍🏻 海鹽燒沙甸魚 $63叫左一道葡國特色小食，沙甸魚原條用鹽燒，將魚油同魚香緊緊保留係魚身中，魚味濃郁，灑上檸檬汁令味道提鮮，去除腥味🐟📌藍鳥葡國餐廳 (沙田)沙田德厚街3號禾輋廣場2樓251-252號舖評語食物多選擇，性價比高環境舒適寬敞🐵推介🍌🍌🍌🍌🍌（5🍌為滿分）#foodie #美食 #外食 #知己相聚 #foodielife #foodiehk #hkfood #hkfoodlover #foodinhk #igfoodies #香港 #好去處 #吃貨 #吃貨人生 #香港美食指南 #相機食先 #香港旅行 #香港餐廳 #香港生活 #foodblogger #foodiegram #

估唔到禾輋商場都會葡國菜！之前路過叫咗個午餐紅酒牛面肉飯個牛肉超林超香！晚餐落去繼續encore 仲叫多咗個馬介休薯球上枱已經香噴噴點埋個甜酸汁 match到爆！仲要炸到外脆內軟超級好食咁啱呢兩次都係一個人去食，叫唔到太多餸下次叫埋朋友仔一齊去就可以嗌多啲小食😆餐廳員工態度好好一入到去坐咗個風口位已經善意提醒令一邊有個冇咁大風嘅位置即刻拎埋水幫我換位10分推介呢間餐廳價錢中等座位都好寬敞舒適下次一定帶埋朋友仔去叫多啲嘢食！

今次約朋友沙田行街， 因為諗唔到食乜嘢就沿住條天橋行下行下跟住就行到去禾輋 ，印象中好似第一次去禾輋。 見到呢個商場入面原來都好多嘢食見到有間食葡國菜所以就入去試下。餐廳都幾大同闊落，因為我哋早去所以入面其實都好多位，職員就請我哋去角落 坐得舒服啲。馬介休炸薯球，$58炸得好香好好味, 再配埋個醬汁， 啱啱炸起所以都係外脆內暖。里斯本大蝦海鮮煲配飯，$65呢個係set dinner，性價比高,已有餐湯同飲品個海鮮煲入面都好多海鮮有炸魚蝦青口 墨魚， 個汁好特別好似係奶再加一啲creamy嘅醬， 但係食落去唔會好流喉。牛扒意粉呢個超級大碟，有兩塊大牛扒好似手掌咁大。個牛扒個汁唔會好咸，健康，個牛扒好淋。我哋要咗兩個羅宋湯，酸尾尾入面都好多料 好多蔬菜。間餐廳性價比高，下次來禾輋可以在係度食多次。

今日經過沙田禾輋呢個屋村商場，見到幾間都係一D連鎖式餐廳，無咩興趣食，想試下D少食D既野，所以見到呢間餐廳，就去試一試由於餐廳位於屋村商場，所以對呢間餐廳既食物唔會有太大期望，但係食過之後對呢間餐廳有少少觀，覺得屋企既餐廳都可以做得唔錯，而且食既野都有D特色，有機會會再食下。由於成日無食過野，所以特別肚餓，就叫左個既午餐同一個小食，兩款食物上檯時都熱辣辣，所以都好好食，一個人都可以食晒兩款食物🤣里斯本大蝦海鮮煲 （套餐$65 包餐湯飲品）個煲既汁好好食，好惹味，所以食完一啖又想食多啖，食食下就食晒成個😂而且套餐來說份量夠晒，可以一試馬介休炸薯球熱辣辣，好香脆，係香港好少食到好食既馬介休球，呢間餐廳都叫唔錯，而且只係$58，相當抵食，性價比高😋

呢間餐廳係屋企樓下，外賣過一次覺得味道可以。今次第一次堂食。附送的雜菜湯值得一讚，很多雜菜，味道濃。大推紅酒燴牛尾，牛尾炆得好軟熟而且超級入味，個醬汁用來撈配菜的薯仔同菜都好夾。呢個回頭率非常高。食葡國菜不可不叫馬介休（鱈魚經鹽醃製而成）。熱辣辣上桌就甘都好食，但配合特製醬汁，美味層次又在升級。呢道菜好收歡迎，不斷聽到街坊落order。東望洋芝士鮮茄焗豬扒飯同清酒煮蜆味道正常。豬扒好香不會硬。估吾到呢餐有驚喜。

#沙田美食 #小蓮星呑食沙田🔻 藍鳥葡國餐廳沙田德厚街3號禾輋廣場2樓251-252號舖/🧃慢煮香草霹靂春雞（半隻） $76皮脆肉嫩，用香草醃過，無論係雞皮定係肉都有香草味，超級粗薯條，啱晒我口味，唔係脆嗰隻，但係就食到滿滿嘅薯仔香/🧃濃香砵酒慢煮牛尾意粉 $70用煲仔上，仲滾緊，砵酒同埋牛嘅香味撲鼻而來，牛尾都有好多件，好腍，好香肉味，個汁要嚟送意粉都好正/🧃葡式炸雞翼6件 $48個雞翼同一般港式嘅生炸雞翼有啲唔同，炸完之後唔會油淋淋，介乎係好脆同埋酥脆之間，超級熱辣辣，係即炸嘅，雞肉亦都好Juicy，點埋呢個個樣似泰式辣醬，實際更加有風味嘅醬汁，好好食/🧃馬介休白酒煮海蜆 $75呢道菜有驚喜，首先份量好多，大大粒，非常肥美鮮甜，最正係夠晒鹹香嘅馬介休汁，啲鹹魚嘅鹹香鮮味真係冇得頂，食唔停口/#food #foodie #hkfood #hkfoodie #foodporn #foodstagram #hkfoodblogger #foodblogger #foodlover #foodphotography

沙田禾輋葡國餐廳💓✨🦔🦥👍🏻抵食又好味的特色葡國菜餐廳，除了有葡菜特色的主食、小食外，也有一般普遍港式餐廳見到的飯類、意粉類，價錢也合宜。👍🏻👍🏻👍🏻《馬介休炸薯球》$58這款特式的葡菜小食，是把馬介休混入薯蓉，做成欖形，炸成金黃小球，吃起來外層香脆，內裏軟綿還有香濃的魚香味，非常好吃！《BBQ醬烤豬肋骨》$82抵吃之豬肋骨，大大份，骨和骨之間的肉，嫩滑易咬，味道香濃，而外層酸甜濃膩的燒烤醬也易入口，濃郁醬料集合了甜、鹹、酸的味覺元素，非常惹味！《紐西蘭西泠牛扒》$88西泠牛扒的肉質緊緻，特別有煙韌的口感，但易咀嚼，非常有嚼頭，加上有豐盈的肉汁，不會過份油膩，配上自選的牛椒汁，惹味得很！跟餐更有西湯選擇。有南瓜忌廉湯和羅宋湯，南瓜湯口感煮得很順滑，吃得到溶成湯得南瓜，好味！《檸檬蜂蜜百香果》$12《檸檬洛神花蜜》$10飲品除了一般茶餐廳飲品外，更有多款特飲，健康水果與花蜜之融合，很滋潤！

公屋生活係唔少港人嘅集體回憶，留戀在於昔日嘅人情味。以前喺屋邨成長，屋邨嘅商場更成為兒時嘅蒲點。今日嘅屋邨商場雖然大變身，但價錢尚算親民！嚟到位於沙田禾輋嘅藍鳥葡國餐廳，店內嘅瓷磚佈置極具葡式風情，出品大大份，加上熱情的店員，屋邨嘅人情味再現。葡式炸雞翼雞翼即叫即炸，雞皮炸到脆卜卜，肉質keep到juicy！食之前可以點埋佢哋酸酸甜甜嘅秘製醬汁，極具層次。金牌焗葡國雞飯講到葡國菜又點少得葡國雞呢？其實葡國雞係帶點港式調較嘅葡國菜，葡國雞即叫即焗，比咖啡多了椰香和甜味嘅葡國雞啱晒送飯！雞件份量多，索晒醬汁，入味又嫩滑。紐西蘭西冷牛扒藍鳥葡國餐廳除咗葡式選擇之外，都有茶餐廳嘅口味。牛扒驚喜有2大塊，真係食晒飯都仲有餸淨呢！醬汁有多款選擇，但同牛扒最夾當然就係黑椒汁啦！檸檬蜂蜜百香果餐廳除咗茶餐廳常見嘅檸茶、咖啡，都有唔少自家特調飲品。呢杯酸酸甜甜又滋潤嘅檸檬蜂蜜百香果，就夠晒醒胃！

今日去沙田禾輋探個朋友 咁就順便去佢樓下個商場食個晚飯 咁我哋就叫左一個小食 兩個晚餐馬介休炸薯球馬介休係葡國菜嘅特色 佢陣味好似鹹魚味咁 加咗落去個薯球入邊 再點啲酸甜醬 味道真係好豐富 嚟到一定要試吓呢個馬介休炸薯球😋BBQ醬烤豬仔骨 配意大利粉估唔到一個晚餐$6x就可以有咁大碟 仲要配餐湯同飲品 個豬仔骨都烤得幾好食 唔會太燶 味道都好夠！🥰紐西蘭西冷牛扒配薯菜有兩塊大牛扒 不過都幾薄 好腍 再加買牛骨汁 鹹鹹地幾好味😋啲薯條係我鍾意食嘅粗薯條 比薯角脆💯個餐湯有羅宋湯同南瓜湯 兩個都係我鍾意飲嘅湯 佢個羅宋湯入邊有好多菜 南瓜湯都好濃 好重南瓜味 嘢飲方面 我哋就嗌咗凍鴛鴦同熱檸檬洛神花蜜 個檸檬洛神花蜜好開胃 又唔會太酸😚

【沙田區】【藍鳥葡國餐廳】尋日講起禾輋商場，見到自己好耐之前嚟食過嘅呢間平民葡式茶餐廳仲未執，就叫埋振華哥嚟一齊試。上次介紹個 post 原來已經係 1am0468，夠晒耐，相隔咗成八百幾個 post，我相信我再講，讀者都唔會詐型。入到去我哋都係試「午餐精選」，簡單啲。振華哥試 $63 嘅「牛骨汁香煎西冷牛扒飯」改配薯菜，個牛骨汁係幾香，薯菜就唔係炸薯條，係烚薯仔、車厘茄、紅蘿蔔、粟米，感覺健康好多。我就試 $62 嘅「葡式燒羊仔髀肉燒汁意粉」改配薯菜，啲羊起晒骨，啖啖肉，羊味又香，加上薯菜，感覺良好。一場嚟到，我哋仲試咗三款小食。首先係 $45 嘅「沙梨頭墨魚餅」六件，好香嘅墨魚餅，炸嘅火候啱啱好。而另外必食嘅仲有 $58 嘅「馬介休炸薯球」六件，從來馬介休球都係我去食葡國菜嘅必點菜式，咁平民嘅價錢都食到係正。薯味夠香濃，經濟又實惠。本來都冇諗住食春卷，但侍應話好正，咁就試埋 $45 嘅「春卷脆脆」六件，點知真係好好食，皮脆餡鮮，好有驚喜。嘢飲嗰度我哋各自加 $5 試咗凍「蜂蜜柚子茶」同埋凍「檸檬蜂蜜百香果」，都係清甜解渴之選。埋單價錢 $283，喪加小食嚟講唔貴呀。。。（地址：沙田

男朋友同屋企人食過話咧間餐廳唔錯，放工就同居一齊去試下，我哋叫咗幾款菜式，感覺都唔錯，而且價錢親民，啲服務員仲好熱情，見到佢哋會同啲小朋友傾計，好友善～～馬介休炸薯球聽個名幾得意叫咗嚟試下，原來馬介休係一種鱈魚乾醃製而成嘅材料。薯球佢有一絲絲嘅魚肉，加埋芝士同香料，食落好香，再點埋酸酸甜甜嘅醬真係絕配BBQ醬烤豬肋骨 佢一份豬肋骨都好大份，用BBQ醬去焗，甜甜哋咁，加上豬肋骨嘅油脂香，啖啖肉令人食唔厭紐西蘭西冷牛扒 佢嘅西冷扒都係好大份，味道唔錯，特別想講下佢啲薯條，唔係平時波浪形嗰種，佢係正方形大大條，入面好多薯蓉，比起平時食細細條嘅滿足好多仲想特別講下佢啲嘢飲，檸檬百香果蜜好香百香果嘅味，同埋好多百香果肉，加上🍋嗰種酸甜度完全啱啱好，十分推薦大家試下！！

屋村之［藍鳥葡國餐廳 ］今日去搵朋友經過竹輋商場，見到鋪頭裝修乾淨企理就入去試下，餐廳環境大坐得很舒適。，西冷牛扒配薯菜：一上枱見到，塊扒大過塊面，可能係做街坊生意，價格不貴，份量足，我食量不大，所以選擇配薯菜，如果食量大既朋友可配飯或意粉，性價比超高，東望洋芝士鮮茄焗豬扒飯：豬扒一樣份量很足，都是大大塊，採用小番茄很清甜，炒飯底炒得很好食，跟餐還有餐湯，我們都選了羅宋湯，酸酸甜甜令胃口大增，因為食左2個主食，覺得好食未唔夠喉，所以追個小食，沙梨頭墨魚餅：雖然都屬煎炸野但d都唔油膩，墨魚鮮味，口感爽滑，值得推薦，飲品方面都值得一提，我們點了2柸特飲，檸檬蜜百香果清新開胃，而檸檬洛神花很適合喜歡飬生既女生。