道頓堀御好燒專門店 (荃灣廣場) (已結業)

成日都經過呢間餐廳，見啲人整得幾開心。咁就搵左日同朋友一齊去食。啱啱第一輪Lunch時間去，枱面上嘅調味料都整齊，不過有少少油油地。點左個基本嘅御好燒同燒肉餐，食材送到嚟要自己親身攪拌同燒，旁邊有個牌教大家點樣攪同燒，跟住做就識，唔洗搵職員幫手，過程都幾好玩！落幾多醬都係自己加，重口味嘅就可以落多啲。而燒肉餐都唔錯，塊鐵板傳熱度幾快，啲肉好快就熟，肉質都唔差。整體來講，兩個餐嘅份量都唔算大份，食完可能未必夠飽。