囍筷 (已結業)

一入去搵個收銀員落單，黑口黑面！問佢跟餐有咩飲？係咁以指着塊牌就算！正當要俾錢之前，問佢跟餐奶茶可唔可以少甜小冰！？佢話可以，跟住仲要串你一句，下次落單嘅時候要一齊講！我心諗你錢都未收我而家先講，都唔會好遲啫⋯⋯跟住改完單9秒九攞返個電話喺度睇，我心諗好似我阻住佢睇電話咁！另外膠袋又要收一蚊！飲筒又唔俾！喺銅鑼灣區我諗好少人攞住個環保袋去買飯囉⋯⋯個滷肉飯好一般，一D都冇台灣風味，求其搵啲罐頭粟米紅蘿蔔就做菜，糖心蛋又冇！價錢一啲都唔平，食物仲要受人氣，我真係祝佢好運囉，一定唔會再有下一次！